Gujarat Election: છેલ્લા બે કલાક બાકી, શહેરોમાં નીરસ મતદાનથી નેતાઓ કાર્યકરો દોડતા થયા
ઉત્તર અને મધ્ય-પૂર્વ ગુજરાતના 14 જિલ્લાની 93 બેઠકો પર ચાલી રહેલા મતદાનને હવે માત્ર 2 કલાક બાકી રહ્યા છે.
Gujarat Election: ઉત્તર અને મધ્ય-પૂર્વ ગુજરાતના 14 જિલ્લાની 93 બેઠકો પર ચાલી રહેલા મતદાનને હવે માત્ર 2 કલાક બાકી રહ્યા છે. પ્રથમ કલાકમાં 19 ટકા જેટલુ મતદાન થયુ છે. સૌથી વધુ સાબરકાંઠા જિલ્લામાં 39 ટકા અને સૌથી ઓછુ મહિસાગર જિલ્લામાં 29 ટકા મતદાન થયુ છે. 1 વાગ્યા સુધી સરેરાશ 34.74 ટકા મતદાન થયુ છે. શહેરો કરતા ગ્રામ્ય કક્ષાએ વધુ મતદાન થઈ રહ્યુ છે. શહેરોમાં મતદાન ઓછુ થતા કાર્યકરો અને નેતાઓ દોડતા થઈ ગયા છે અને મતદારોને મતદાન કેન્દ્રો સુધી પહોંચાડવા મથી રહ્યા છે.
અમદાવાદ શહેર અને જિલ્લામાં મતદાન ધીમી ગતિએ ચાલી રહ્યુ છે. અમદાવાદ જિલ્લા અને શહેરમાં સૌથી વધુ મતદાન સાણંદમાં થયુ છે. એક વાગ્યા સુધીમાં સાણંદમાં 38.63 ટકા મતદાન નોંધાયુ છે. સૌથી ઓછુ મતદાન ઠક્કરબાપાનગરમાં 25.12 ટકા મતદાન નોંધાયુ છે. એલિસબ્રિજમાં 25.26 ટકા મતદાન નોંધાયુ છે.
અમદાવાદમાં બપોરે 1 વાગ્યા સુધીમાં 30.28 ટકા મતદાન થયુ છે. જેમાં અમરાઈવાડીમાં 27.84 ટકા, અસારવામાં 29.61 ટકા, બાપુનગરમાં 30.31 ટકા, દાણીલીમડામાં 28.70 ટકા, દરિયાપુરમાં 30.44 ટકા, દસક્રોઈમાં 36.24 ટકા, ધંધૂકામાં 32.05 ટકા, ધોળકામાં 35.34 ટકા, એલિસબ્રિજમાં 25.26 ટકા, ઘાટલોડિયામાં 30.10 ટકા, જમાલપુર ખાડિામાં 27.86 ટકા, મણિનગરમાં 30.89 ટકા, નારણપુરામાં 30.59 ટકા, નરોડમાં 27.46 ટકા, નિકોલમાં 31.59 ટકા, સાબરમતીમાં 29.25 ટકા, સાણેદમાં 38.63 ટકા, વટવામાં 29.19 ટકા, વેજલપુરમાં 31.77 ટકા અને વિરમગામમાં 35.75 ટકા મતદાન નોંધવામાં આવ્યુ છે.