ગુજરાત રાજ્યની જીએસટી આવકમાં 15 ટકાનો વધારો

રાજ્યની જીએસટી આવકમાં ચાલુ નાણાકીય વર્ષમાં નોંધપાત્ર વધારો જોવા મળ્યો છે. ફેબ્રુઆરી-2025 સુધીમાં રાજ્યના કર વિભાગને જીએસટી હેઠળ કુલ 67,079 કરોડની આવક થઈ છે.

આ આવક ગયા વર્ષના સમાન સમયગાળા દરમિયાન પ્રાપ્ત ₹58,447 કરોડની સરખામણીમાં 15% નો વધારો દર્શાવે છે. ફેબ્રુઆરી-2025 મહિનામાં રાજ્ય કર વિભાગે જીએસટી હેઠળ ₹26,388 કરોડની આવક નોંધાવી હતી.

આ ફેબ્રુઆરી-2024 ની આવકની તુલનામાં 7% વધુ છે. આ વધારા સાથે રાજ્યની વહીવટીતંત્ર માટે આર્થિક સ્થિતિ વધુ મજબૂત બની છે. આ ઉપરાંત ફેબ્રુઆરી-2025 માં રાજ્યને અન્ય કર માધ્યમો દ્વારા પણ મહત્ત્વપૂર્ણ આવક પ્રાપ્ત થઈ છે.

• વેટ (VAT) હેઠળ: ₹2,807 કરોડ
• વિધ્યુત શુલ્ક હેઠળ: ₹1,217 કરોડ
• વ્યવસાય વેરા હેઠળ: ₹21 કરોડ

આ રીતે ફેબ્રુઆરી-2025 દરમિયાન રાજ્યની કુલ કર આવક ₹10,433 કરોડ નોંધાઈ છે.

નાણાકીય વર્ષ 2024-25ના પ્રથમ 11 મહિનામાં, રાજ્ય કર વિભાગે જીએસટી, વેટ, વિધ્યુત શુલ્ક અને વ્યવસાય વેરા મળીને કુલ 1,09,192 કરોડની આવક મેળવી છે. આ આંકડા રાજ્યની આર્થિક વૃદ્ધિ અને બાહ્ય રોકાણ માટે પણ શુભ સંકેતરૂપ છે.

English summary

Gujarat’s GST Revenue Grows by 15% Until February 2025