Gujarat monsoon forecast : હોળીની જ્વાળાઓ પરથી અંબાલાલ પટેલની ચોમાસાની આગાહી, ખેતી માટે ચિંતાજનક સંકેત
Gujarat monsoon forecast : હવામાન નિષ્ણાત અંબાલાલ પટેલે હોળીની જ્વાળાનું અવલોકન કરીને આવનારા ચોમાસાની આગાહી કરી છે.
તેમની ભવિષ્યવાણી મુજબ, આ વર્ષે ચોમાસું નબળું રહેવાની સંભાવના છે, જે ખેડૂતો અને સામાન્ય નાગરિકો માટે ચિંતાજનક પરિસ્થિતિ ઉભી કરી શકે છે.
અંબાલાલ પટેલ અનુસાર, ચોમાસું માત્ર 8 થી 10 આની રહેશે, જે સામાન્ય કરતાં ઓછું ગણી શકાય. અંબાલાલ પટેલે ગરમીને લઈને પણ મહત્વની આગાહી કરી.
અંબાલાલ પટેલ અનુસાર, 15મી માર્ચથી ગરમીમાં થોડી રાહત જોવા મળશે. આ સિવાય એપ્રિલ મહિનામાં અસહ્ય ગરમી પડી શકે છે. આ વખતે તાપમાનનો પારો નવા રેકોર્ડ તોડી શકે છે.
તેમની આગાહી અનુસાર, જૂન મહિનામાં વાવાઝોડું આવવાની સંભાવના છે, જે ચોમાસાની શરૂઆતને અસર કરી શકે છે. ચોમાસા દરમિયાન વારંવાર લો-પ્રેશર સર્જાશે, જે વરસાદની અનિયમિતતા માટે જવાબદાર રહેશે.
આગાહી અનુસાર, ખેતી અને પાણીના સ્ત્રોતોને લઈને આગાહીઓ પર ગહન ધ્યાન આપવાની જરૂર છે. જો આગાહી સાચી સાબિત થાય તો ખેડૂતો અને રાજ્યની કૃષિ નીતિઓ માટે મોટો પડકાર ઉભો થઈ શકે છે.
Click it and Unblock the Notifications
Sign in with Google
