મોદી PM ઉમેદવાર બનાવવા ગુજરાતના મુસ્લિમોની મન્નત

ગાંધીનગર, 21 ઓગસ્ટ : ગુજરાતના મુખ્યપ્રધાન નરેન્દ્ર મોદી દેશના વડાપ્રધાન પદના ઉમેદવાર જાહેર થાય તેવી ઇચ્છા ભાજપના કાર્યકરો અને નેતાઓની સાથે ગુજરાતના મુસ્લિમોની પણ છે. આ માટે ગુજરાતના મુસ્લિમો એ અજમેર શરીફની મન્નત માની છે.

ગુજરાતના એક મુસ્લિમ સમુદાયે મોદીને વડાપ્રધાન પદના ઉમેદવાર જાહેર કરાય તે માટે અજમેર શરીફ જઈ હજરત ખ્વાજા મોઇનુદ્દીન ચિશ્તીની દરગાહે ચાદર ચઢાવવાની માનતા માની છે. આ જૂથેના લોકોએ મંગળવારે ગાંધીનગર ખાતે મુખ્યપ્રધાનને હિન્દુ તહેવાર રક્ષાબંધનની શુભેચ્છા પાઠવી હતી.

ઉલ્લેખનીય છે કે ભાજપે અગાઉ જ મુખ્યપ્રધાનને લોકસભા માટે ચૂંટણી પ્રચારના અધ્યક્ષ તરીકે નિમાયા છે. એટલું જ નહીં ભાજપ અધ્યક્ષ રાજનાથ સિંહે પણ પરોક્ષ રીતે મોદીને વડાપ્રધાન પદ માટે સ્વીકારી લીધા છે. હાલમાં હૈદરાબાદમાં થયેલ રેલી દરમિયાન મોદી એ ભાજપ માટે લોકસભા ચૂંટણીના પ્રચાર મંડાણ પણ કર્યા. ત્યારે હિન્દુ સમૂદાય સાથે સાથે ગુજરાતના મુસ્લિમ સમૂદાયનું પણ સમર્થન તેમને મળી રહ્યું છે.

English summary

Gujarat Muslims Votive for making Narendra Modi PM candidate