Gujarat rain alert : ગરમી વચ્ચે માવઠું દસ્તક દેશે, અંબાલાલ પટેલની કમોસમી વરસાદની આગાહી
Gujarat rain alert : હવામાન નિષ્ણાત અંબાલાલ પટેલે ગુજરાત માટે અગત્યની આગાહી કરી છે. તેમના જણાવ્યા અનુસાર, રાજ્યના વાતાવરણમાં આગામી 48 કલાકમાં મોટો પલટો જોવા મળશે.
ઘણા વિસ્તારોમાં કમોસમી વરસાદ, ગાજવીજ સાથે પવન ફૂંકાશે અને કેટલાક વિસ્તારોમાં હળવો વરસાદ પડવાની પડવાની શક્યતા છે.
અંબાલાલ પટેલે ખાસ કરીને બનાસકાંઠા, પંચમહાલ, દાહોદ, વડોદરા, રાજકોટ, મોરબી, આણંદ અને કચ્છના કેટલાક ભાગોમાં માવઠાની શક્યતા વ્યક્ત કરી છે.
ખેડૂતો અને સામાન્ય લોકો માટે આ આગાહી મહત્વપૂર્ણ બની રહે છે, કારણ કે આ હવામાની સ્થિતિ ખેતી અને દૈનિક જીવન પર સીધો અસર કરી શકે છે.
અગાઉના વર્ષો સાથે તુલના કરતાં અંબાલાલ પટેલે જણાવ્યું કે, આ વર્ષે ચોમાસુ 2006 અથવા 2007 જેવું રહેવાની શકયતા છે. તે સમય દરમિયાન પણ ચોમાસું સામાન્ય કે ઉપરસર હોય તેવું રહ્યું હતું.
તેમણે સ્પષ્ટ કહ્યું કે, આ વર્ષે ચોમાસું નબળું રહેવાની શક્યતા ખૂબ ઓછી છે, જે ખેડૂતો માટે સકારાત્મક સંકેત છે. આ સિવાય તેમણે કહ્યું કે, બંગાળના ઉપસાગરમાં મે મહિનામાં ભારે વાવાઝોડું આવવાની સંભાવના છે અને અરબ સાગરમાં 10 મેથી ચક્રવાત સર્જાઈ શકે છે.
આ બંને હવામાનની ઘટનાઓ સમગ્ર પશ્ચિમ ભારત માટે મહત્વની સાબિત થઈ શકે છે. ચક્રવાતના કારણે સમુદ્રના તટીય વિસ્તારોમાં ભારે પવન, વરસાદ અને ઊંચા તરંગો આવવાની શક્યતા રહે છે.
Click it and Unblock the Notifications
Sign in with Google
