Gujarat Rain Forecast : આગામી 6 દિવસ આ જિલ્લાઓમાં આ વરસાદની આગાહી, રેડ એલર્ટ જારી

Gujarat Rain Forecast : હાલમાં જ ભારે વરસાદની તબાહી બાદ વધુ એક વખત વરસાદની ઈનિંગ શરૂ થવા જઈ રહી છે.

હવામાન વિભાગે આજ એટલે કે 2 સપ્ટેમ્બરથી 7 સપ્ટેમ્બર સુધી ઘણા જિલ્લાઓમાં ભારે વરસાદની આગાહી કરી છે.

હવામાન વિભાગ અનુસાર, આગામી હાલ ચાર સિસ્ટમ સક્રિય થઈ છે. તેલંગાણા પાસે ડીપ ડિપ્રેશન તેમજ ઓફશોર ટ્રફ પણ સક્રિય થયું છે. આ ઉપરાંત મોન્સૂન ટ્રફ સહિત ચાર સિસ્ટમ સક્રિય થઈ છે.

વિગતે વાત કરીએ તો, 3 સપ્ટેમ્બરે ભરૂચ અને સુરત જિલ્લામાં રેડ એલર્ટ જારી કરાયુ છે. આ સિવાય આણંદ, વડોદરા, નર્મદા, તાપી, ડાંગ, નવસારી, વલસાડ, બોટાદ અને ભાવનગરમાં ઓરેન્જ એલર્ટ જારી કરાયુ છે. આ ઉપરાંત છોટા ઉદેપુર, પંચમહાલ, ખેડા, અમદાવાદ, સુરેન્દ્રનગર, રાજકોટ અને અમરેલીમાં યલો એલર્ટ સાથે છૂટાછવાયા સ્થળોએ ભારે વરસાદની આગાહી કરાઈ છે.

4 સપ્ટેમ્બરે કચ્છ, બનાસકાંઠા, નવસારી અને વલસાડમાં ઓરેન્જ એલર્ટ જારી કરાયુ છે. સુરત, તાપી, ડાંગ, અરવલ્લી, સાબરકાંઠા, મહેસાણા, પાટણ, સુરેન્દ્રનગર અને મોરબીમાં યલો એલર્ટ અપાયુ છે.

5 સપ્ટેમ્બરે કચ્છ, બનાસકાંઠા, પાટણ, નવસારી, વલસાડમાં યલો એલર્ટ સાથે છૂટાછવાયા સ્થળોએ ભારે વરસાદ જોવા મળશે. તે સિવાય 6 સપ્ટેમ્બરે નવસારી અને વલસાડમાં યલો એલર્ટ સાથે છૂટાછવાયા સ્થળોએ ભારે વરસાદની આગાહી અપાઈ છે. 7 સપ્ટેમ્બરે વસારી અને વલસાડમાં યલો એલર્ટ સાથે છૂટાછવાયા સ્થળોએ ભારે વરસાદની આગાહી કરાઈ છે.

English summary

Gujarat Rain Forecast: Rain forecast in these districts for the next 6 days, red alert issued