Gujarat Rain Forecast : વરસાદ આ જિલ્લાઓની નવરાત્રી બગાડશે, જાણો લેટેસ્ટ આગાહી
Gujarat Rain Forecast : હવામાન વિભાગે આગાહી કરી છે કે, ગુજરાતમાં ચોમાસાની સત્તાવાર વિદાય થાય તે પહેલાં જ વરસાદનો વધુ એક રાઉન્ડ આવી રહ્યો છે.
રાજસ્થાનથી આગામી 24 કલાકમાં ચોમાસુ વિદાય લેવાની શરૂઆત કરશે, પરંતુ બંગાળની ખાડીમાં એક નવી સિસ્ટમ સક્રિય થવાથી ગુજરાતના ઘણા વિસ્તારોમાં હજુ પણ આગામી બેથી ત્રણ દિવસ વરસાદ પડી શકે છે.
આ જિલ્લાઓમાં આગામી દિવસોમાં વરસાદ
આ નવી સિસ્ટમની અસર હેઠળ દક્ષિણ ગુજરાત, સૌરાષ્ટ્ર, ઉત્તર ગુજરાત અને મધ્ય ગુજરાતમાં વરસાદ થવાની શક્યતા છે.
ખાસ કરીને 17 સપ્ટેમ્બરથી વરસાદનું જોર વધશે અને તે 22-23 સપ્ટેમ્બર સુધી યથાવત રહેશે. આ રાઉન્ડમાં ખાસ કરીને દક્ષિણ ગુજરાતના વિસ્તારોમાં ભારે વરસાદ પડી શકે છે.
સંભવિત વરસાદી વિસ્તારો
- દક્ષિણ ગુજરાત : તાપી, સુરત, નવસારી, વલસાડ અને ભરૂચમાં ભારે વરસાદની સંભાવના છે.
- મધ્ય ગુજરાત : અમદાવાદ, ગાંધીનગર, વડોદરા, ગોધરા, પંચમહાલ, દાહોદ અને છોટાઉદેપુરમાં વરસાદ પડી શકે છે.
- સૌરાષ્ટ્ર : અમરેલી, ભાવનગર, બોટાદ, જામનગર, દેવભૂમિ દ્વારકા, સુરેન્દ્રનગર, મોરબી અને રાજકોટમાં મેઘમહેર જોવા મળશે.
- ઉત્તર ગુજરાત : મહેસાણા, મહિસાગર, સાબરકાંઠા અને બનાસકાંઠામાં હળવાથી મધ્યમ વરસાદ થવાની શક્યતા છે.
ચોમાસાની વિદાયની ઘડીઓ નજીક છે ત્યારે ખેડૂતો અને સામાન્ય જનતા માટે આ વરસાદ કેટલો ફાયદાકારક સાબિત થાય છે તે જોવું રહ્યું.
Click it and Unblock the Notifications
Sign in with Google
