Gujarat Rain Update: આગામી 48 કલાકમાં ગુજરાતમાં થશે ભારે વરસાદ, જાણો આગાહી
Gujarat Rain Update: ભારતીય હવામાન વિભાગ દ્વારા આગાહી કરવામાં આવી છે કે, ઉત્તર ગુજરાતના અમુક જિલ્લાઓમાં આગામી બે દિવસમાં ભારે વરસાદ નોંધાય તેવી શક્યતા છે.
સામાન્ય રીતે ગુજરાતના મોટાભાગના જિલ્લાઓમાં આગામી સાત દિવસોમાં એટલે કે, 15 ઓગસ્ટ સુધી હળવાથી મધ્યમ વરસાદ નોંધાય તેવી આગાહી કરવામાં આવી છે.
હવામાન વિભાગ દ્વારા આપવામાં આવેલી તાજેતરના બુલેટિનમાં જણાવ્યા અનુસાર, આગામી 24 કલાક દરમિયાન ઉત્તર ગુજરાત પ્રદેશના જિલ્લાઓમાં બનાસકાંઠા, સાબરકાંઠા, અરવલ્લી અને મહીસાગરમાં છૂટાછવાયા સ્થળોએ ભારે વરસાદની સંભાવના વ્યક્ત કરવામાં આવી છે.
10 ઓગસ્ટના રોજ બનાસકાંઠા, સાબરકાંઠા, અરવલ્લી અને મહીસાગર સહિતના ઉત્તર ગુજરાત પ્રદેશના જિલ્લાઓમાં છૂટાછવાયા સ્થળોએ પણ ભારે વરસાદ થાય તેવી શક્યતા છે.
11 ઓગસ્ટથી 15 ઓગસ્ટ સુધી ગુજરાતના તમામ જિલ્લાઓમાં હળવાથી મધ્યમ વરસાદની શક્યતા છે.
ભારતીય હવામાન વિભાગના બુલેટિનમાં જણાવ્યું હતું કે, ગુરુવારે દક્ષિણ ગુજરાત પ્રદેશના વડોદરા જિલ્લામાં છૂટાછવાયા સ્થળોએ ભારે વરસાદ થયો હતો.
વધુમાં, દક્ષિણ ગુજરાતથી ઉત્તર કેરળના દરિયાકાંઠે સરેરાશ દરિયાઈ સપાટી પર નબળા ઓફ-શોર ટ્રફ ઓછા ચિહ્નિત થયા છે.
Click it and Unblock the Notifications
Sign in with Google
