ગુજરાતના ગ્રામ્ય વિસ્તારોમાં કોંગ્રેસના બંધનું આહવાન સફળ

અમદાવાદ, 10 જાન્યુઆરી : ગુજરાતમાં પ્રવાસી ભારતીય દિવસ, વાઇબ્રન્ટ ગુજરાત 2015 ઇવેન્ટ અને કાઇટ ફેસ્ટિવલની ઉજવણી ચાલી રહી છે ત્યારે કોંગ્રેસે આજે ગ્રામીણ વિસ્તારોમાં બંધનું એલાન આપતા ચક્કાજામ સર્જાયો હતો.

પ્રાપ્ત માહિતી અનુસાર રાજ્યમાં ઠેર ઠેર ખાસ કરીને સૌરાષ્ટ્રમાં કોંગ્રેસના ધારાસભ્યો અને કાર્યકર્તાઓ રસ્તા રોકો આંદોલન કરતા ઉમટી પડ્યા હતા.

ખેડૂતોને ખેતપેદાશોના પોષણક્ષમ ભાવ અને કાયદો વ્યવસ્થાની કથળતી પરિસ્થિતિ મુદ્દે રાજ્ય કોંગ્રેસ દ્વારા અમદાવાદ, વડોદરા, રાજકોટ અને સુરતને છોડીને ગ્રામીણ વિસ્તારોમાં આજે બંધનું એલાન આપવામાં આવ્યું હતું. જેને પગલે ઠેર ઠેર કોંગ્રેસ કાર્યકર્તાઓએ રસ્તા રોકો આંદોલન કર્યું હતું.

રાજ્યમાં અમદાવાદ, ગાંધીનગર, મહેસાણા, જૂનાગઢ, મુંદ્રા, મોરબીના ગ્રામિણ વિસ્તારોમાં રસ્તા રોકો આંદોલનના પગલે ચક્કાજામ સર્જાયો હતો. કેટલાક સ્થળોએ કોંગ્રેસ ધારાસભ્યો અને કાર્યકર્તાઓની અટકાયત કરવામાં આવી હતી.

English summary

Rural Gujarat acted strictly on Congress called Bandh against Vibrant Gujarat 2015.