ગુજરાતમાં ફરી માવઠાનું સંકટ, અંબાલાલ પટેલની મોટી આગાહી
ગુજરાતના પ્રખ્યાત હવામાન નિષ્ણાત અંબાલાલ પટેલે રાજ્યમાં ફરી એકવાર કમોસમી વરસાદની આગાહી કરી છે. વેસ્ટર્ન ડિસ્ટર્બન્સ સક્રિય થવાને કારણે રાજ્યના વાતાવરણમાં મોટો પલટો આવવાની પૂરેપૂરી શક્યતા છે.
અંબાલાલ પટેલના જણાવ્યા અનુસાર, પંચમહાલ અને તેની આસપાસના વિસ્તારોમાં આજે માવઠું પડી શકે છે. આ વિસ્તારોમાં હળવા વરસાદી ઝાપટાં પડવાની સંભાવના હોવાથી ખેડૂતોમાં ચિંતા જોવા મળી રહી છે.
ઉત્તર ગુજરાત અને સૌરાષ્ટ્રના ભાગોમાં પણ આજે વાદળછાયું વાતાવરણ રહેવાની શક્યતા વ્યક્ત કરવામાં આવી છે. વાદળછાયા માહોલને જોતા હવામાન નિષ્ણાતે ખેડૂતોને પાક બાબતે પૂરતી તકેદારી રાખવા ખાસ અપીલ કરી છે.
માવઠાની સાથે રાજ્યમાં કડકડતી ઠંડીનો નવો રાઉન્ડ પણ શરૂ થવા જઈ રહ્યો હોવાની આગાહી કરવામાં આવી છે. ઉત્તર ભારતના પહાડી વિસ્તારોમાં થયેલી હિમવર્ષાની સીધી અસર હવે ગુજરાતના તાપમાન પર જોવા મળશે.
રાજ્યમાં આગામી 4 થી 9 ફેબ્રુઆરી દરમિયાન ઠંડીનો પારો ગગડતા લોકોને કાતિલ ઠંડીનો અનુભવ થશે. ઠંડા પવનોને કારણે તાપમાનમાં ઘટાડો થતા ઠંડીનું જોર આગામી દિવસોમાં સતત વધતું જોવા મળશે.
Click it and Unblock the Notifications
Sign in with Google
