Gujarat Weather Alert : હવામાન વિભાગની વરસાદની આગાહી, જાણો ગુજરાતમાં કેવો માહોલ રહેશે?
Gujarat Weather Alert : હવામાન વિભાગે ફરી એકવાર વરસાદ અને તાપમાનમાં ફેરફાર અંગે મહત્વપૂર્ણ આગાહી કરી છે. ઉત્તર પ્રદેશ અને રાજસ્થાનમાં 27 ફેબ્રુઆરીથી 1 માર્ચ સુધી વરસાદ થવાની શક્યતા છે.
હવામાન વિભાગ અનુસાર, પશ્ચિમ રાજસ્થાનમાં 27 અને 28 ફેબ્રુઆરી અને પૂર્વી ઉત્તર પ્રદેશ તેમજ પૂર્વી રાજસ્થાનમાં 28 ફેબ્રુઆરી અને 1 માર્ચ દરમિયાન વરસાદ થઈ શકે છે.
દેશના હવામાનમાં પલટો જોવા મળી રહ્યો છે અને ઉત્તર ભારત સહિત સમગ્ર દેશમાં ગરમી વધી રહી છે. આગામી સમયમાં તાપમાનમાં વધુ વધારો થવાની સંભાવના છે. હવામાન વિભાગે કેટલાક વિસ્તારોમાં વાવાઝોડાની ચેતવણી પણ જાહેર કરી છે. જો કે ગુજરાત માટે સારા સમાચાર એ છે કે રાજ્યમાં વરસાદની સંભાવના ઓછી છે.
વેસ્ટર્ન ડિસ્ટર્બન્સના કારણે આ જગ્યાઓએ વરસાદની સંભાવના
- જમ્મુ-કાશ્મીરમાં 25-28 ફેબ્રુઆરી
- હિમાચલ પ્રદેશમાં 26-28 ફેબ્રુઆરી
- ઉત્તરાખંડમાં 27-28 ફેબ્રુઆરી
- ઉત્તર પ્રદેશમાં પણ વરસાદની આગાહી
ઉત્તર-પૂર્વ ભારતમાં 23 ફેબ્રુઆરીએ વીજળી, ભારે વરસાદ અને કરા પડવાની શક્યતા
આ સિવાય બિહાર, ઓડિશા, પશ્ચિમ બંગાળ, આસામ, મેઘાલય, નાગાલેન્ડ, મણિપુર, મિઝોરમ અને ત્રિપુરામાં વાવાઝોડા અને ભારે પવન સાથે છૂટાછવાયા વરસાદ થવાની સંભાવના છે. અરુણાચલ પ્રદેશ, ઝારખંડ અને સિક્કિમમાં પણ વરસાદની શક્યતા છે.
Click it and Unblock the Notifications
Sign in with Google
