Gujarat Weather: ઠંડા પવનોથી ઠુઠવાયા લોકો, જાણો કોલ્ડવેવ અને વરસાદ અંગે હવામાનની આગાહી
Gujarat Weather: સમગ્ર રાજ્ય હાલમાં ઠંડીના પ્રકોપથી ઠુઠવાઈ રહ્યુ છે. હવામાન વિભાગના જણાવ્યા મુજબ આગામી દિવસોમાં તાપમાનમાં કોઈ મોટા ફેરફાર જોવા નહિ મળે.
હવામાન વિભાગના જણાવ્યા મુજબ આગામી સમયમાં પવનની ગતિ 6તી 10 કિમિ પ્રતિ કલાકની રહી શકે છે. કોલ્ડવેવની સંભાવના નહિવત છે. વળી, હાલમાં વરસાદની કોઈ સિસ્ટમ સક્રિય નથી.
તમને જણાવી દઈએ કે ઉત્તર અને પશ્ચિમ ભારતમાં હાલમાં ગાઢ ધૂમ્મસ અને ઠંડીના કારણે જનજીવન ખોરવાયુ છે. હવામાન વિભાગે પંજાબ, હરિયાણા, રાજસ્થાન અને ઉત્તર પ્રદેશમાં ઠંડી માટે રેડ એલર્ટ જાહેર કર્યુ છે. વળી, હમણા થોડા દિવસ સુધી ઠંડીમાં કોઈ રાહત મળવાની નથી.
ગુજરાતની રાજધાની ગાંધીનગરમાં મંગળવારે સૌથી ઓછુ તાપમાન 9.8 ડિગ્રી નોંધાયુ હતુ. ગાંધીનગર રાજ્યનુ સૌથી ઠંડુ શહેર બન્યુ હતુ જ્યારે ઓખા 19.5 ડિગ્રી તાપમાન સાથે રાજ્યનુ સૌથી ગરમ શહેર રહ્યુ હતુ. હવામાન વિભાગના આંકડા મુજબ ગુજરાતનો પારો આંશિક રીતે ઘટ્યો હતો.
ગુજરાતના અલગ-અલગ શહેરોમાં લઘુત્તમ તાપમાનની વાત કરીએ તો અમદાવાદમાં 11.8 ડિગ્રી, નલિયામાં 10.8 ડિગ્રી, ડીસામાં 11.2 ડિગ્રી, ગાંધીનગરમાં 9.8 ડિગ્રી, વડોદરામાં 12.4 ડિગ્રી, સુરતમાં 14 ડિગ્રી, કંડલા એરપોર્ટમાં 12.7 ડિગ્રી, દ્વારકામાં 17.4 ડિગ્રી, રાજકોટમાં 13 ડિગ્રી અને સુરેન્દ્રનગરમાં 12.8 ડિગ્રી તાપમાન નોંધાયુ હતુ.
મહત્તમ તાપમાનની વાત કરીએ તો, અમદાવાદમાં 29.1 ડિગ્રી, નલિયામાં 28 ડિગ્રી, ડીસામાં 28.4 ડિગ્રી, ગાંધીનગરમાં 28.5 ડિગ્રી, વડોદરામાં 30.4 ડિગ્રી, સુરતમાં 29.8 ડિગ્રી, કંડલા એરપોર્ટમાં 29.4 ડિગ્રી, દ્વારકામાં 28 ડિગ્રી, રાજકોટમાં 28.5 ડિગ્રી અને સુરેન્દ્રનગરમાં 28.8 ડિગ્રી તાપમાન નોંધાયુ હતુ.
Click it and Unblock the Notifications
Sign in with Google
