ગુજરાતમાં ઠંડીનો ચમકારો વધ્યો, નલિયામાં સૌથી વધારે તાપમાન નોંધાયું, જાણો હવામાન વિભાગની આગાહી
Gujarat Weather: ગુજરાતમાં ઠંડીનો પારો સતત ગગડી રહ્યો છે. ઉત્તર-પૂર્વીય ઠંડા પવનો ફૂંકાવાને કારણે સમગ્ર રાજ્યમાં ઠંડીનું જોર વધ્યું છે. ખાસ કરીને કચ્છ અને સૌરાષ્ટ્રના વિસ્તારોમાં લઘુત્તમ તાપમાનમાં મોટો ઘટાડો નોંધાતા જનજીવન પ્રભાવિત થયું છે.
રાજ્યના મુખ્ય શહેરોનું તાપમાન
હવામાન વિભાગના તાજા આંકડા મુજબ, કચ્છનું નલિયા 9.4 ડિગ્રી સાથે રાજ્યનું સૌથી ઠંડુ શહેર નોંધાયું છે. અન્ય શહેરોની સ્થિતિ જોઈએ તો:
- ભુજ: 11.0°C
- રાજકોટ: 11.4°C
- અમરેલી અને પોરબંદર: 12.0°C
- કંડલા: 12.7°C
- ગાંધીનગર: 15.8°C
- અમદાવાદ: 17.2°C
ઉત્તર ભારતમાં 'વેસ્ટર્ન ડિસ્ટર્બન્સ'ની અસર: હિમવર્ષા અને વરસાદ
હિમાલયન પટ્ટામાં સક્રિય થયેલા વેસ્ટર્ન ડિસ્ટર્બન્સને કારણે ઉત્તર ભારતના હવામાનમાં પલટો આવ્યો છે. હિમાચલ પ્રદેશના શિમલા અને મનાલીમાં સિઝનની પ્રથમ બરફવર્ષા થઈ છે.
IMD (હવામાન વિભાગ) ની આગાહી:
- ભારે વરસાદ: ઉત્તર પ્રદેશ, હરિયાણા, રાજસ્થાન અને દિલ્હીમાં મોડી રાતથી વરસાદી માહોલ છે.
- હિમવર્ષા: આગામી દિવસોમાં જમ્મુ-કાશ્મીર, લદ્દાખ અને ઉત્તરાખંડમાં ભારે હિમવર્ષાની શક્યતા છે.
- દક્ષિણ ભારત: તમિલનાડુ અને કેરળમાં પણ ભારે વરસાદની ચેતવણી આપવામાં આવી છે.
આ વર્ષે શિયાળો કેમ 'નરમ' રહ્યો?
નિષ્ણાતોના મતે, આ વર્ષે શિયાળો ગત વર્ષની સરખામણીએ ઓછો ઠંડો રહ્યો છે. તેના મુખ્ય કારણો નીચે મુજબ છે:
- અલ નિનોની અસર: પ્રશાંત મહાસાગરમાં તાપમાન વધવાને કારણે વૈશ્વિક સ્તરે શિયાળો હુંફાળો રહ્યો છે.
- હિમવર્ષામાં વિલંબ: હિમાલયમાં મજબૂત વેસ્ટર્ન ડિસ્ટર્બન્સ ન સર્જાવાને કારણે ઠંડા પવનોની ગતિ ધીમી રહી છે.
- ગ્લોબલ વોર્મિંગ: ગ્લોબલ વોર્મિંગને કારણે ઋતુચક્રમાં ફેરફાર જોવા મળી રહ્યો છે. ગત વર્ષે ડિસેમ્બરમાં નલિયામાં પારો 22 વખત 10 ડિગ્રીથી નીચે ગયો હતો, જે આ વર્ષે માત્ર 4 વખત જ નીચે ઉતર્યો છે.
આગામી દિવસોની આગાહી
હવામાન વિભાગના જણાવ્યા અનુસાર, આગામી 5 દિવસ દરમિયાન ઉત્તર-પશ્ચિમ ભારત અને બિહારમાં ગાઢ ધુમ્મસ છવાયેલું રહેશે. દિલ્હીના આયાનગરમાં તાપમાન 2.9 ડિગ્રી સુધી પહોંચી ગયું છે, જે દર્શાવે છે કે મેદાની વિસ્તારોમાં ઠંડી હજુ પણ રેકોર્ડ તોડી શકે છે.
Click it and Unblock the Notifications
Sign in with Google
