Gujarat Weather: ગુજરાતમાં આ જિલ્લાઓમાં હળવાથી ભારે વરસાદની આગાહી
Gujarat Weather: હવામાન વિભાગના જણાવ્યા મુજબ રાજ્યમાં સાત દિવસ સુધી તાપમાનમાં કોઈ મોટો ફેરફાર થશે નહિ. જો કે, આજે ઘણા વિસ્તારોમાં ભારે વરસાદની આગાહી કરવામાં આવી છે.
ગુજરાતમાં 11 જૂને ચોમાસાની એન્ટ્રી બાદ નવસારી અને વલસાડના અમુક વિસ્તારોમાં છૂટોછવાયો વરસાદ થઈ રહ્યો છે પરંતુ ચોમાસુ હજુ આગળ નથી વધી રહ્યુ. આઈએમડી મુજબ નૈઋત્યનુ ચોમાસુ હજુ ચારેક દિવસમાં અન્ય રાજ્યોમાં આગળ વધશે પરંતુ ગુજરાતમાં નહિ.
હવામાન વિભાગના જણાવ્યા મુજબ ગુજરાતમાં ચોમાસુ સ્થિર થઈ ગયુ છે અને નબળુ પડી ગયુ છે. જો કે, 19થી 21 જૂન દરમિયાન વરસાદ વધવાની સંભાવના છે. આઈએમડી મુજબ 19 અને 20 જૂને પંચમહાલ, દાહોદ, મહીસાગર અને દક્ષિણ ગુજરાતનાં તમામ જિલ્લાઓ તથા જુનાગઢ, અમરેલી, ભાવનગર, ગીર સોમનાથ દીવમાં ગાજવીજ સાથે હળવાથી મધ્યમ વરસાદની આગાહી કરવામાં આવી છે. વળી, આજે વલસાડ, દમણ અને દાદરાનગર હવેલીમાં ભારે વરસાદની શક્યતા છે.
21 જૂને પંચમહાલ, દાહોદ, મહીસાગર અને દક્ષિણ ગુજરાતનાં તમામ જિલ્લાઓ તથા સૌરાષ્ટ્રમાં રાજકોટ, પોરબંદર, જુનાગઢ, અમરેલી, ભાવનગર, ગીર સોમનાથ, દીવમાં ગાજવીજ સાથે હળવાથી મધ્યમ વરસાદની આગાહી છે. 22 જૂને પંચમહાલ, દાહોદ, મહીસાગર અને દક્ષિણ ગુજરાતનાં તમામ જિલ્લાઓ તથા સૌરાષ્ટ્રમાં રાજકોટ, પોરબંદર, જુનાગઢ, અમરેલી, ભાવનગર, ગીર સોમનાથ, દીવમાં ગાજવીજ સાથે હળવાથી મધ્યમ વરસાદની સંભાવના છે.
તમને જણાવી દઈએ કે સૌરાષ્ટ્રના દરિયામાં સાયક્લોનિક સર્ક્યુલેશનથી વરસાદી માહોલ સર્જાયો હતો.જૂનાગઢના વિસાવદરમાં એક ઈંચ વરસાદ નોંધાયો હતો. આ ઉપરાંત અમેરલીના રાજુલા, કુંકાવાવ વડીયા, બાબરામાં પણ વરસાદ થયો હતો. વળી, પાલિતાણામાં અડધો ઈંચ, સૂત્રાપાડામાં 6 મીમી વરસાદ નોંધાયો હતો. છેલ્લા 24 કલાકમાં સુરત, ડાંગ અને ભરૂચ સહિત કૂલ 28 તાલુકામાં વરસાદ થયો હતો.
Click it and Unblock the Notifications
Sign in with Google
