કેશુભાઇની જીપીપી તરફથી હરેન પંડ્યાના પત્ની લડશે ચૂંટણી
નોંધનીય છે કે, નરેન્દ્ર મોદી સાથે વાકું પડ્યા બાદ ગુજરાતના પૂર્વ મુખ્યમંત્રી કેશુભાઇ પટેલે ભાજપ સાથે છેડો ફાડી પોતાનો પક્ષ રચ્યો છે. ગુજરાત પરિવર્તન પાર્ટી નામના આ પક્ષમાં તેઓ મોદી વિરોધી તમામ લોકોને એકઠાં કરી રહ્યાં છે. જેમાં હવે હેરન પંડ્યાના પત્નીનું નામ પણ ઉમેરાયું છે. જાગૃતિ પડ્યાં ગુજરાત વિધાનસભાની ચૂંટણી લડશે તેવી અટકળો અગાવથી જ લગાવવામાં આવી રહી હતી.
અત્રે એ વાત ઉલ્લેખનીય છે કે, હરેન પંડ્યા ગુજરાતના ગૃહમંત્રી હતા અને તેમની હત્યા 2003માં કરવામાં આવી હતી. તેમની હત્યા થયા બાદ એવી ચર્ચા ગુજરાતના રાજકારણમાં જાગી હતી કે તેમની હત્યા પાછળ રાજકારણ છે, તેમજ તેમની હત્યા મોદીના ઇશારે કરવામાં આવી હોવાના આરોપો પણ લગાવવામાં આવ્યા હતા.
Click it and Unblock the Notifications
Sign in with Google
