આ ત્રણ જિલ્લામાં થશે ભારે વરસાદ, હવામાન વિભાગે આપ્યું ઓરેન્જ એલર્ટ
gujarat weather update, હવામાન સમાચાર: ગુજરાતમાં ભારે વરસાદ બાદ હવે આંશિક રાહત મળી છે. જોકે, ઘણા જિલ્લામાં હજૂ પણ ભારે વરસાદ થઈ રહ્યો છે.
હવામાન વિભાગ દ્વારા તેની તાજેતરની આગાહીમાં દાહોદ અને મહિસાગર માટે આજના દિવસ માટે ઓરેન્જ એલર્ટ જાહેર કરવામાં આવ્યું છે.
જે બાદ શનિવારે એટલે કે 7 સપ્ટેમ્બરના રોજ અરવલ્લી અને મહિસાગર ઓરેન્જ એલર્ટ પર છે. કારણ કે, હવામાન વિભાગ દ્વારા આ વિસ્તારોમાં ભારેથી અતિ ભારે વરસાદની આગાહી કરવામાં આવી છે.
હવામાન વિભાગની આગાહીમાં જણાવ્યા અનુસાર, ચોમાસું ગુજરાત પ્રદેશ પર જોરદાર હતું, સૌરાષ્ટ્ર-કચ્છ પર સક્રિય છે, અને એક ચક્રવાતી પરિભ્રમણ ઉત્તરપૂર્વ રાજસ્થાન અને તેના પડોશમાં છે, જે 5.8 કિમી સુધી વિસ્તરે છે, અને સરેરાશ દરિયાની સપાટીથી ઉપરની ઊંચાઈ સાથે દક્ષિણપશ્ચિમ તરફ નમેલું છે.
આગામી 24 કલાક દરમિયાન ઉત્તર ગુજરાત પ્રદેશના દાહોદ અને મહિસાગર જેવા જિલ્લાઓમાં છૂટાછવાયા સ્થળોએ ભારેથી અતિભારે વરસાદની સંભાવના છે.
આ સાથે સાબરકાંઠા, અરવલ્લી, પંચમહાલ, વડોદરા, છોટા ઉદેપુર, નર્મદા, ભરૂચ, વલસાડ અને દમણ, દાદરા નગર હવેલી, અમરેલી અને ભાવનગરમાં પણ ભારે વરસાદ પડી શકે છે.
7 સપ્ટેમ્બરના રોજ અરવલ્લી અને મહિસાગરમાં ભારેથી અતિભારે વરસાદની શક્યતા છે, જ્યારે સાબરકાંઠા, ગાંધીનગર, ખેડા, પંચમહાલ, દાહોદ, છોટા ઉદેપુર, વલસાડ અને દમણ, દાદરા નગર હવેલી અને ભાવનગરમાં માત્ર ભારે વરસાદ પડી શકે છે.
8 સપ્ટેમ્બરના રોજ સાબરકાંઠા, અરવલ્લી, પંચમહાલ, દાહોદ, મહિસાગર, અને છોટા ઉદેપુરમાં ભારે વરસાદની શક્યતા છે.
9 સપ્ટેમ્બરથી 12મી સપ્ટેમ્બર સુધી ભારે વરસાદની કોઈ ચેતવણી નથી, પરંતુ આ સમયગાળા દરમિયાન ગુજરાતના તમામ વિસ્તારોમાં હળવાથી મધ્યમ વરસાદની શક્યતા છે.
Click it and Unblock the Notifications
Sign in with Google
