અમરેલીના ધારી પંથકમાં વરસાદની ધમાકેદાર બેટિંગ, ખેડુતોમા ખુશીનો માહોલ

સૌરાષ્ટ્રમાં અને ખાસ કરીને ગીરસોમનાથ, જુનાગઢ અને અમરેલી જિલ્લામાં સારો વરસાદ નોંધાઈ રહ્યો છે ત્યારે અમરેલીના ધારી પંથકમાં વરસાદ મન મુકીને વરસ્યો છે.

રાજ્યમાં વરસાદ ખેંચાયા બાદ ધીરે ધીરે હવે સ્થિતી સામાન્ય થઈ રહી છે. વરસાદ ખેંચાતા ખેડુતો ચિંતામાં મુકાયા હતા. વાવેતર નિષ્ફળ જવાની ભીતિ હતી ત્યારે હવે ગુજરાતમાં વરસાદી સંકટ ટળ્યુ છે. વરસાદ મન મુકીને વરસતા હવે ખેડુતોમાં આનંદ છવાયો છે.

સૌરાષ્ટ્રમાં અને ખાસ કરીને ગીરસોમનાથ, જુનાગઢ અને અમરેલી જિલ્લામાં સારો વરસાદ નોંધાઈ રહ્યો છે ત્યારે અમરેલીના ધારી પંથકમાં વરસાદ મન મુકીને વરસ્યો છે. ધારી પંથકના ગામડાઓમાં સારો વરસાદ થતા નદી-નાળાઓ વહેતા થયા છે. ધારી ઉપરાંત ચલાલામાં પણ વરસાદી માહોલ છે. ચલાલા આસપાસના ગ્રામ્ય વિસ્તારોમાં ધોધમાર વરસાદ નોંધાયો છે. લાંબા વિરામ હવે મન મુકીને વરસાદ વરસતા ખેડુતોમાં આનંદ જોવા મળ્યો છે.

ઉલ્લેખનિય છે કેે આગામી દિવસોમાં પણ હવામાન વિભાગે ગુજરાતમાં ભારે વરસાદની આગાહી કરી છે. હવામાન વિભાગે આગાહી કરી છે કે આગામી 5 દિવસ રાજ્યમાં ભારે વરસાદ નોંધાશે. અહિં એ વાત જાણવી અગત્યની છે કે સૌરાષ્ટ્રના અમરેલી, જુનાગઢ અને ગીર સોમનાથ જિલ્લામાં સરેરાશ સારો વરસાદ નોંધાય છે. હાલ તો વરસાદ સારો વરસી રહ્યો છે જો ચોમાસુ આમ જ પુરૂ થાય તો ખેડુતોને સારા ઉત્પાદનની આશા છે.

English summary

Heavy rains in Dhari district of Amreli,