• search

મિત્રો સાથે શારીરિક સંબંધ બાંધવાની ના પાડી તો પતિએ પત્નીને માર્યા બ્લેડના ઘા

By desk
Subscribe to Oneindia News
For Quick Alerts
ALLOW NOTIFICATIONS
For Daily Alerts

    સુરતઃ મિત્રો સાથે શારીરિક સંબંધ બાંધવાની ના પાડતી પત્નીને પતિએ બ્લેડના ઘા મારી સિગારેટના ડામ આપ્યા હતાં. જેથી સારવાર માટે સુરત સિવિલ હોસ્પિટલ પહોંચેલી પત્નીની વ્યથા સાંભળીને ડોક્ટરો પણ ચોંકી ગયા હતાં. પીડિતાની માતાએ જણાવ્યું હતું કે, રીક્ષા ચલાવતા પતિએ તેના પોલીસ મિત્રોની જરૂરીયાત સંતોષવા માટે દબાણ કર્યુ હતું અને કહ્યું હતું કે, તું મારા પોલીસ મિત્રોની જરૂરીયાત પુરી નહીં કરે તો તેઓ મને કાઢી મુકશે. હાલ સમગ્ર પ્રકરણમાં ગુનો નોંધાતા ચોક બજાર પોલીસે યુવકને ઝડપી પાડી વધુ તપાસ શરૂ કરી છે.

    domestic violence

    પાંચ મહિનાના લગ્ન જીવનમાં પતિએ પ્રકાશ્યું પોત

    પીડિતાની માતા સુલતાનાબી મલેકે જણાવ્યું હતું કે, તેમની દીકરી સાયરાબાનુના (નામ બદલેલ છે) નિકાહ 5 મહિના અગાઉ રીક્ષા ચલાવતાં મોહમ્મદ વસીમ સાથે થયા હતા. વસીમે નિકાહના બે મહિના બાદ જ પત્ની સાયરાબાનુ સાથે છૂટા હાથની મારા મારી શરૂ કરી હતી. વસીમની આવી કરતૂતોને લઇ બેવાર તેઓ દીકરી સાયરાને પોતાના ઘરે લઇ આવ્યા હતા. જોકે, સમાજના અગ્રણી લોકોએ વચ્ચે પડી સમાધાન કરાવી લેતા વસીમ તેની પત્ની સાયરાબાનુને લઇ ગયો હતો. ત્રણ-ત્રણ વાર નિકાહ કરનાર વસીમના આવા કારનામાને લઇ પહેલી ત્રણેય પત્ની પણ ત્રાસીને ભાગી ગઇ હોવાની પાછળથી તેમને ખબર પડી હતી.

    પતિના અમાનુષી ત્રાસથી દીકરીને લાવ્યાં પિયર

    સુલતાનાબીએ વધુમાં ઉમેર્યુ હતું કે, છેલ્લા થોડા દિવસોથી વસીમ પત્ની સાયરાબાનુને કહેતો હતો કે, તું મારા પોલીસ મિત્રોની જરૂરીયાત પુરી નહીં કરે તો તેઓ મને કાઢી મુકશે. વસીમ બળજબરીથી પત્નીને બીજા સાથે શારીરિક સંબંધ બાંધવા દબાણ કરતો હતો. જોકે, સાયરાબાનુ તેની વાતને નકારી દેતી હતી. જેથી તેણે અત્યાચાર ગુજારવાનું શરૂ કરી દીધુ હતું.

    ઘરમાં આવતા જ તે પત્ની સાથે મારઝૂડ કરતો, ગાળો આપતો, કોઇને કોઇ બહાને ઝગડો કરતો હતો. તેમ છતાં સાયરાબાનુ તેની વાત ન માનતાં આખરે તેણે શનિવારના રોજ પત્નીને ઢોરની જેમ પટ્ટા વડે ફટકારી હતી. ત્યારબાદ સિગારેટના ડામ આપ્યા હતા. જેનાથી તેનું મન ન ભરાતાં પત્નીના બન્ને હાથે બ્લેડના અસંખ્ય ઘા માર્યા હતા.

    તબીબોએ શરૂ કરી સારવાર

    સુરત સિવિલના મેડિકલ ઓફિસરે જણાવ્યું હતું કે, સાયરાબાનુની પીઠ પર મારના નિશાન છે. તેમજ બંને હાથે બ્લેડના ઘા મરાયાના નિશાન સાથે હાથ પર સિગારેટના ડામના નિશાન, આંખ પર ઇજાના નિશાન પગ પર પણ મારના નિશાન મળી આવ્યા છે. કોઇ વ્યક્તિ આવું પણ કરી શકે તે સાંભળી આશ્ચર્ય થાય છે. જોકે, આ પોલીસ તપાસનો વિષય છે. હાલ સાયરાબાનુને સર્જીકલ વિભાગમાં સારવાર અપાઈ રહી છે.

    English summary
    Husband beats her wife when she refused to sleep with their friends

    For Breaking News from Gujarati Oneindia
    Get instant news updates throughout the day.

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more