આવનારા દિવસોમાં વાતાવરણ કેવુ રહેશે? માવઠાને લઈને મોટી આગાહી
ગુજરાતમાં ફરી એકવાર કડકડતી ઠંડી સાથે વાતાવરણમાં મોટો પલટો આવ્યો છે. રાજ્યના અનેક વિસ્તારોમાં વાદળછાયા માહોલ વચ્ચે હળવા વરસાદી છાંટા પડતા લોકો મુશ્કેલીમાં મુકાયા છે.
વેસ્ટર્ન ડિસ્ટર્બન્સ સક્રિય થવાને કારણે ઉત્તર ભારતના રાજ્યોમાં ભારે હિમવર્ષા અને વરસાદ થયો છે. જેની સીધી અસર હવે ગુજરાતના તાપમાન પર જોવા મળી રહી છે.
હવામાન નિષ્ણાત અંબાલાલ પટેલે આગાહી કરી છે કે આગામી બે થી ત્રણ દિવસ રાજ્યમાં કાતિલ ઠંડી પડશે. આકાશમાંથી વાદળો હટતા જ લઘુત્તમ તાપમાનમાં મોટો ઘટાડો નોંધાશે.
અંબાલાલ પટેલના જણાવ્યા મુજબ ઉત્તર ગુજરાતમાં ઠંડીનો સૌથી વધુ પ્રકોપ જોવા મળી શકે છે. મજબૂત વેસ્ટર્ન ડિસ્ટર્બન્સના કારણે ભરશિયાળે માવઠું થવાની પણ શક્યતા સેવાઈ રહી છે.
બનાસકાંઠામાં લઘુત્તમ તાપમાન 4 ડિગ્રી સુધી ગગડી શકે છે જે ચિંતાનો વિષય છે. પાટણ અને મહેસાણા જેવા શહેરોમાં પણ પારો 8 ડિગ્રીની આસપાસ રહેવાની શક્યતા છે.
અમદાવાદમાં 12 ડિગ્રી અને ગાંધીનગરમાં 11 ડિગ્રી તાપમાન રહેતા નગરજનો ધ્રૂજી ઉઠશે. કચ્છના નલિયામાં પારો 8 ડિગ્રીથી નીચે જતા જનજીવન પ્રભાવિત થવાની પુરેપુરી શક્યતા છે.
હવામાન વિભાગે 27 જાન્યુઆરી માટે રાજ્યમાં 'યલો એલર્ટ' જાહેર કર્યું છે. ઠંડા પવનો ફૂંકાવાને કારણે તંત્ર દ્વારા લોકોને ગરમ કપડાં પહેરવા અને સાવચેત રહેવા સૂચના અપાઈ છે.
ખેડૂતોને પણ પોતાના ઉભા પાકને માવઠાથી બચાવવા માટે જરૂરી પગલાં લેવા માટે જણાવાયું છે. ખાસ કરીને રાજસ્થાન સરહદે આવેલા વિસ્તારોમાં વરસાદી માહોલની તીવ્ર અસર જોવા મળશે.
ફેબ્રુઆરીના પ્રથમ સપ્તાહમાં ફરી એકવાર તાપમાનમાં નોંધપાત્ર ઘટાડો જોવા મળી શકે છે. જાન્યુઆરીના અંતમાં ઠંડીમાં થોડો ઘટાડો થયા બાદ ફરીથી ઠંડીનો નવો રાઉન્ડ શરૂ થશે.
હાલ નલિયા 5 ડિગ્રી તાપમાન સાથે રાજ્યનું સૌથી ઠંડું શહેર નોંધાયું છે. આગામી 48 કલાક રાજ્ય માટે હવામાનની દ્રષ્ટિએ ખૂબ જ મહત્વના અને પડકારજનક બની રહેશે.
Click it and Unblock the Notifications
Sign in with Google
