ઇશરત કેસ: પી.પી પાંડેને કોર્ટમાં હાજર થવા સુપ્રિમનો આદેશ

નવી દિલ્હી, 26 જુલાઇ : આજે સુપ્રીમ કોર્ટે ઇશરત જહાં નકલી એન્કાઉન્ટર કેસમાં ગુજરાતના ફરાર વરિષ્ઠ આઇપીએસ અધિકારી પી પી પાંડેને અમદાવાદની કોર્ટમાં 29 જુલાઈના રોજ રજૂ થવાનો આદેશ કર્યો છે. આ સાથે કોર્ટે સીબીઆઈને પાંડેની ધરપકડ નહીં કરવાનો નિર્દેશ આપ્યો છે.

ન્યાયાધીશ બી એસ ચૌહાણ અને એસ એ બોબ્ડેની ખંડપીઠે સ્પષ્ટ કર્યું કે પાંડે જો સીબીઆઈની વિશેષ કોર્ટ સમક્ષ સોમવારે હાજર નહીં થાય તો તેમને આપવામાં આવેલી સુરક્ષા પાછી ખેંચી લેવામાં આવશે. ભારતીય પોલીસ સેવાના 1982 બેચના આ અધિકારી હાલમાં ગુજરાતમાં અતિરિક્ત પોલીસ મહાનિદેશક છે.

કોર્ટે પી પી પાંડે તરફથી રજૂઆત કરનારા વકીલ જસપાલ સિંહના આશ્વાસન બાદ આ આદેશ આપ્યો હતો કે પોલીસ અઘિકારી સંબંધિત કોર્ટ સમક્ષ રજૂ થશે અને ત્યાર સુધી તેમને રક્ષણ આપવામાં આવશે. અગાઉ સીબીઆઈ તરફથી વધારાના સોલિસીટર જનરલ ઇંદિરા જયસિંહે પાંડેને આવું રક્ષણ આપવાનો વિરોધ કર્યો હતો.

English summary

Ishrat Case : Supreme ordered to P P Pandey to appear in court