પુણે હિંસાના વિરોધમાં જૂનાગઢ-સોમનાથ હાઇવે પર ચક્કાજામ
ભીમા કોરેગાંવ હિંસાના પડઘા જૂનાગઢમાં જૂનાગઢ-સોમનાથ હાઇવે પર 20 મિનિટ ચક્કાજામ આ અંગે વધુ વાંચો અહીં...
મહારાષ્ટ્રમાં ભડકેલી હિંસાની આગ ગુજરાત સુધી પહોંચી છે. બુધવારે મહારાષ્ટ્ર બંધમાં પુણે ઉપરાંત મુંબઇ અને ઔરંગાબાદમાં પણ ચક્કાજામ થયો હતો. એના પડઘા સુરત, વાપી, ધોરાજી અને જૂનાગઢમાં પણ જોવા મળ્યા હતા. ગુરૂવારે સવારે પણ જૂનાગઢમાં વિરોધ થયો હતો. મહારાષ્ટ્રમાં થયેલ હિંસાના વિરોધમાં વંથલી નજીકના જૂનાગઢ-સોમનાથ હાઇવે પર દલિત સમાજે 20 મિનિટ ચક્કાજામ કર્યો હતો.
બુધવારે ધોરાજીમાં એસટી બસ સળગાવવામાં આવી હતી. સુરતમાં ઉધના વિસ્તારમાં ચક્કાજામ થયો હતો, ટ્રેનો રોકવામાં આવી હતી અને દિવસભર દેખાવો થયા હતા. વાપીમાં હાઇવે પર ચક્કાજામ થયો હતો. પુણે હિંસાના વિરોધ પ્રદર્શનમાં રાજ્યમાં મુસાફરોને યાતાયાતમાં પણ મુશ્કેલી પડી હતી. અમદાવાદ, જામનગર, ઉપલેટા અને ગાંધીનગર રૂટની બસો બંધ કરવામાં આવી હતી. ગુજરાતમાં કુલ 46 એસટી બસો અટકાવવામાં આવી હતી. મહારાષ્ટ્ર તરફ જતી અનેક બસો રોકવામાં આવી હતી.