Photos: જેતપુરથી પકડાઇ કરોડો રૂપિયાની જૂની નોટો

જેતપુરમાં પોલિસે, પકાડી કરોડો રૂપિયાની જૂની નોટો, જુઓ તસવીરો

Published: Monday, November 14, 2016, 13:09 [IST]

જેતપુરના વીરપુર જલારામ પાસે આવેલા નેશનલ હાઇવે પરથી વીરપુર પોલીસે બંધ થયેલ બિન કાયદેસરની 2 કરોડ 50 લાખની નોટો એક ટ્રકમાંથી પકડી પડેલ છે. નોંધનીય છે કે સરકાર દ્વારા 500 અને 1000 રૂપિયાની જૂની નોટોને રદ્દ કરવામાં આવી છે. જે બાદ ગુજરાતભરના વેપારીઓની મુશ્કેલીઓ રાતો રાત વધી ગઇ છે.

ત્યારે તમામ વેપારીઓ તેમની આ બેનામી સંપત્તિને ઠેકાણે લગાવવા માટે જાતજાતના અખતરા અપનાવી રહ્યા છે. ત્યારે જેતપુરથી એક ટ્રકમાં સબ મર્સીબલના ખાલી ખોખા નીચેથી 2 થેતાલામાં સંતાડેલી 2 કરોડ 50 લાખ રૂપિયાથી પણ વધુની નોટો જોઇને પોલિસકર્મીઓ પણ અચરજ પામી ગયા હતા.

વધુમાં પોલીસે આ કેસમાં ટ્રક ડ્રાઇવર અને ક્લીનરને પણ પકડી પાડ્યા છે. જેમના જણાવ્યા મુજબ આ રકમ આ રકમ રાજકોટ થી મેંદરડા લઇ જવાતી હતી. ત્યારે વીરપુર પોલીસે આ લોકોને રૂપિયા સાથે પકડીને કાયદેસરની કાર્યવાહી શરૂ કરેલ છે.

નોંધનીય છે કે જ્યારથી ગુજરાતમાં 500 અને 1000 રૂપિયાની નોટ બંધ કરવામાં આવી છે. અનેક વેપારીઓના માથે મોટી મુસીબત આવી પડી છે. વેપારીઓ પોતાની આ બેનામી સંપત્તિનો નિકાલ લાવવા માટે જાત જાતના ગતકડા કરી રહ્યા છે. તો બીજી તરફ સરકાર પણ આઇ ટી રેડ અને અન્ય દબાણો સર્જીને તેમની મુશ્કેલી વધારી છે.