ED કોર્ટમાં આજે જિગ્નેશ ભજીયાવાળાને કરવામાં આવશે રજૂ
જિજ્ઞેશ ભજિયાવાળાને આજે ઇડી કોર્ટમાં રજૂ કરાશે. જાણો કેમ અહીં.
નોટબંધી દરમિયાન જેની પાસેથી કરોડો રૂપિયાનું કાળુ નાણું મળી આપ્યું હતું તેવા સૂરતના ફાઇનાન્સર કિશોર ભજીયાવાળાના પુત્ર જિગ્નેશ ભજીયાવાળાને આજે કોર્ટમાં રજૂ કરાશે. જિગ્નેશ ભજીયાવાળાને આજે અમદાવાદની મિર્ઝાપુરમાં આવેલ એન્ફોર્સમેન્ટ ડિરેક્ટોરેટની કોર્ટમાં રજૂ કરવામાં આવશે. નોંધનીય છે કે ભજીયાવાળાને ચાર દિવસના રિમાન્ડમાં મોકલવામાં આવ્યો હતો. ઇડીના અધિકારીઓનું કહેવું હતું કે ભજીયાવાળો પૂછપરછ વખતે યોગ્ય સહયોગ નથી આપી રહ્યો.
એટલું જ નહીં પૂછપરછ દરમિયાન પર જિગ્નેશ છાતીમાં દુખાવો હોવાની અને અન્ય શારીરિક તકલીફો હોવાનું કહેવાથી તેને મેડિકલ તપાસ માટે મોકલવામાં આવ્યો હતો. જ્યાં તેના તમામ રિપોર્ટ નોર્મલ આવ્યા હતા. તેમ છતાં તેને માનસિક રોગની સારવારના વિભાગમાં પણ મોકલવામાં આવ્યો હતો. અને તેની આ અંગે પ્રાથમિક સારવાર આપવામાં આવી હતી. અહીં પણ જિગ્નેશે રડવાનું નાટક કર્યું હતું. નોંધનીય છે કે આજે તેના રિમાન્ડ પૂર્ણ થતા હોવાથી આજે તેની ઇડીની કોર્ટમાં રજૂ કરવામાં આવશે.
Click it and Unblock the Notifications
Sign in with Google
