Kanti Amrutia Vs Gopal Italia : કાંતિ અમૃતિયાએ રાજીનામુ આપવા ગાંધીનગર કુચનું એલાન કર્યુ
Kanti Amrutia Vs Gopal Italia : ગુજરાતના રાજકારણમાં ફરી એક વાર ઉથલપાથલ જોવા મળી રહી છે. મોરબીના ધારાસભ્ય કાંતિ અમૃતિયાએ તેમના રાજકીય ભવિષ્ય અંગે મોટું નિવેદન આપીને રાજ્યની રાજકીય ગરમાવો પેદા કર્યો છે.
તેમણે જણાવ્યું છે કે તેઓ આગામી સોમવારે સમર્થકોના કાફલા સાથે ગાંધીનગર ખાતે વિધાનસભા પહોંચીને પોતાના પદેથી રાજીનામું આપવા તૈયાર છે.
કાંતિ અમૃતિયાના સમર્થકો સોમવારે આશરે 150થી વધુ વાહનોના કાફલા સાથે ગાંધીનગર તરફ રવાના થવાના છે. તે સીધા વિધાનસભાના ગેટ નંબર 4 બહાર શક્તિ પ્રદર્શન કરશે અને ત્યાં ગોપાલ ઈટાલિયાની રાહ જોશે.
કાંતિભાઈએ સ્પષ્ટતા કરી છે કે તેઓ તેમનું રાજીનામું ફક્ત ત્યારે જ આપશે જ્યારે આમ આદમી પાર્ટીના નેતા ગોપાલ ઇટાલીયા તેમનાં સમક્ષ હાજર રહેશે. તે ગેટ નંબર 4 બહાર 30 મિનિટ સુધી ઇટાલીયાની રાહ જોશે. જો ઇટાલીયા ત્યાં નહીં આવે તો કાંતિભાઈ પોતાનું રાજીનામું નહીં આપે.
કાંતિ અમૃતિયા અનુસાર તે રાજીનામું આપવા સંપૂર્ણ તૈયાર છે. પણ કેટલીક શરતો છે, અને તે શરતો પૂરી થાય ત્યારે જ રાજીનામુ આપશે. તેમના આ નિવેદનથી રાજકીય ગલીઓમાં ચર્ચાઓનો નવો દોર શરૂ થયો છે.
Click it and Unblock the Notifications
Sign in with Google
