ભુજ: મહિલા પર બળાત્કાર અને બળજબરીથી ધર્માંતરણ કરવા બદલ એકની ધરપકડ
Love Jihad in Gujarat: ગુજરાતમાં લવ જેહાદના કિસ્સા સતત સામે આવી રહ્યા છે. આવામાં ભુજમાં એક અલગ ધર્મની મહિલા પર બળાત્કાર અને બળજબરીપૂર્વક ઇસ્લામ ધર્મ અપનાવવાના પ્રયાસના આરોપમાં 40 વર્ષીય રિક્ષા ડ્રાઈવર યુવકની ધરપકડ કરવામાં આવી છે.
ભુજના બી ડિવિઝન પોલીસ સ્ટેશનમાં 31 વર્ષીય મહિલા દ્વારા નોંધાવવામાં આવેલી ફરિયાદના પગલે આરોપી સુલતાન સિદ્ધિ નામના રિક્ષાચાલકને કસ્ટડીમાં લેવામાં આવ્યો હતો.
આ મહિલાએ એવો દાવો કર્યો છે કે, સુલતાન છેલ્લા ચાર વર્ષથી તેના ઘરે તેનું શારીરિક શોષણ કરી રહ્યો હતો. આ સાથે તેના પર ધર્મ પરિવર્તન કરવા દબાણ કરી રહ્યો હતો.
ફરિયાદી મહિલાએ એવો પણ ઉલ્લેખ કર્યો છે કે, તેણી અગાઉ પરિણીત હતી, પરંતુ ત્યારબાદ તેણીએ તેના પતિને છૂટાછેડા આપી દીધા હતા.
સુલતાન સિદ્ધિ પર ગુજરાત સ્વાતંત્ર્ય અધિનિયમ, 2003 હેઠળ બળાત્કાર, ઇજા પહોંચાડવા, અપમાન કરવા અને બળજબરીથી ધર્મ પરિવર્તનનો પ્રયાસ કરવાનો કેસ નોંધવામાં આવ્યો છે.
Click it and Unblock the Notifications
Sign in with Google
