મોદીએ દેશની મહિલાઓનું અપમાન કર્યું છેઃ કોંગ્રેસ

અમદાવાદ, 31 ઑક્ટોબરઃગુજરાત કોંગ્રેસ પ્રદેશ પ્રમુખ અર્જુન મોઢવાડિયાએ મંગળવારે આરોપ લગાવ્યો હતો કે મુખ્યમંત્રી નરેન્દ્ર મોદીએ કેન્દ્રીયમંત્રી શશી થરૂરની પત્ની અંગે કરેલી ટિપ્પણીથી દેશની તમામ મહિલાઓનું અપમાન કર્યું છે. મોદીએ જે પ્રકારના શબ્દોનો ઉપયોગ કર્યો છે તે કોઇપણ રીતે એક રાજકીય નેતાને શોભે તેવો નથી. મોદીએ મયાર્દા ગુમાવી છે.

મોઢવાડિયાએ વધુમાં કહ્યું છે,'' ટૂંક સમય પહેલા કુપોષણના મુદ્દે મોદીએ કહ્યું હતું કે ગુજરાતમાં કુપોષણનો આંક વધારે છે કારણ કે ગુજરાતી મહિલાઓ સુંદરતા પર વધારે ભાર મુકે છે. મુખ્યમંત્રીએ મહિલાઓ પર જે ટિપ્પણી કરી છે તે બદલ ગુજરાતની જનતા તરફથી હું વ્યક્તિગત રીતે માંફી માંગુ છું.''

અત્રે ઉલ્લેખનીય છે કે હિમાચલ પ્રદેશમાં ચૂંટણી પ્રચાર માટે ગયેલા ગુજરાતના મુખ્યમંત્રી નરેન્દ્ર મોદીએ જાહેર મેદનીને સંબોધિત કરતીવેળા કેન્દ્રની કોંગ્રેસ સરકાર અને પ્રધાનમંત્રી મનમોહન સિંહ પર તો ટિપ્પણી કરી જ હતી પરંતુ શશી થરૂરને આડે હાથ લેતા તેમણે કહ્યું હતું કે શશી થરૂરની પત્ની એક વખતે તેમની 50 કરોડ રૂપિયાની ગર્લફ્રેન્ડ હતી.

English summary

Gujarat Congress president Arjun Modhvadia on Tuesday, Oct 30 alleged that Chief Minister Narendra Modi had insulted all women in the country with his comment on Union Minister Shashi Tharoor's wife. Modi, of late, was using language that did not suit political leader and had lost "decency", Modhvadia added.