મોદી મેજીક! ભાજપ મેળવશે 128 બેઠકઃ ઇન્ડિયા ટૂડેનો સર્વે

By Super

Updated: Friday, February 6, 2015, 15:52 [IST]

નવીદિલ્હી, 25 ઑક્ટોબરઃ ગુજરાતમાં ડિસેમ્બર મહિનામાં બે તબક્કે વિધાનસભાની ચૂંટણી યોજાઇ રહી છે. ચૂંટણીને લઇને વિવિધ પ્રકારના સર્વે હાથ ધરવામાં આવી રહ્યાં છે. કયો પક્ષ કેટલી બેઠક મેળવશે, કોનું પલડું આ વખતે ભારે રહેશે, ભાજપનો ભગવો લહેરાશે કે પછી કોંગ્રેસનો પંજો મારશે ગુજરાતની ગાદી પર તરાપ. આવો જ એક સર્વે ઇન્ડિયા ટૂડે અને ઓઆરજી દ્વારા હાથ ધરવામાં આવ્યો છે.

ઇન્ડિયા ટૂડે-ઓઆરજી દ્વારા હાથ ધરવામાં આવેલા સર્વે અનુસાર નરેન્દ્ર મોદીની સરકારને ગુજરાતમાં કોઇ જ અટકાવી શકશે નહીં. મોદીના નેતૃત્વ હેઠળ ભાજપ ગુજરાતમાં 128 બેઠક મેળવશે જ્યારે કોંગ્રેસના માગે 48 જેટલી બેઠકો આવશે. અહીં સર્વે દરમિયાન કયા-કયા મુદ્દા બહાર આવ્યા છે તે અંગે આછેરી માહિતી આપવામાં આવી છે.

- 30 ટકા લોકોનું માનવું છે કે મોદીનો અહંકાર તેની સૌથી મોટી નબળાઇ છે

- ભાજપ 128 બેઠક મેળવશે જ્યારે કોંગ્રેસ 48 બેઠક પર જીત હાંસલ કરશે

- 61 ટકા મુસ્લિમો હજુ પણ મોદીનો મુખ્યમંત્રી તરીકે વિરોધ કરે છે

- 41 ટકા મતદારો માને છે કે સદભાવના મિશન મોદીને મત મેળવવામાં મદદરૂપ નહીં થાય

- 58 ટકા લોકો માને છે કે 2002માં જે રમખાણો થયા તેના માટે મોદી જવાબદાર નથી

- વિકાસ સહિતના મુદ્દે ભાજપે પ્રભુત્વ જાળવી રાખ્યું છે

- 2002માં થયેલા ગુજરાત રમખાણોમં માફી માગ્યા પછી પણ 55 ટકા મુસ્લિમ મતદારો મોદી માટે મત કરવા તૈયાર નથી.