સુરતમાં મોદીના સૂટની બોલી 1.21 કરોડ સુધી પહોંચી
સુરત, 18 ફેબ્રુઆરી: વડાપ્રધાન નરેન્દ્ર મોદીના સૂટની આજે સુરત ખાતે હરાજી કરવામાં આવી. મોદીના સૂટની કિંમત લાખોની હતી જે હરાજીમાં કરોડો સુધી પહોંચી ગઇ છે. આ મોદીનો એ જ સૂટ છે જે તેમણે હૈદરાબાદ હાઉસમાં અમેરિકાના વડાપ્રધાન બરાક ઓબામા સાથેની મુલાકાત દરમિયાન પહેર્યો હતો. ત્યારથી જ મોદી અને તેમનો આ લાખોનો સૂટ વિવાદનો મુદ્દો બન્યો હતો.
સુરતમાં બોલી લાગવાનો દોર ચાલુ છે અને આંકડો વધતો જઇ રહ્યો છે. બોલી 1 કરોડ 21 લાખ સુધી પહોંચી ચૂંકી છે. આ નીલામી માટે એક રજિસ્ટરનો ઉપયોગ થઇ રહ્યો છે. સુરતમાં શરૂ થયેલી મોદીના સૂટની આ નીલામી શુક્રવારની સાંજ સુધી જારી રહેશે. વડાપ્રધાન નરેન્દ્ર મોદીના જે સૂટની કિંમત 9થી 10 લાખ આંકવામાં આવી રહી હતી તેની બોલી કરોડોમાં લગાવવામાં આવી રહી છે.
Textile
businessman
makes
Rs.1.21
crore
bid
for
Modi's
suit,
that
was
fifth
bid
for
this
suit
http://t.co/BibxR267rs
http://t.co/GDVaLkelgn
—
DeshGujarat
(@DeshGujarat)
February
18,
2015
25 જાન્યુઆરીના રોજ નરેન્દ્ર મોદીએ બરાક ઓબામા સાથેની મુલાકાત દરમિયાન આ સૂટ પહેર્યો હતો, ત્યારે તે ભારતથી લઇને છેક લંડન સુધી ચર્ચમાં આવી ગયો હતો. સૂટની કિંમતથી લઇને તેને ભેંટ આપનાર સુધી તમામ આકલનો લગાવવામાં આવ્યા. સૂટ ઉપર ઝીણા સોનેરી અક્ષરોમાં નરેન્દ્ર દામોદરદાસ મોદી લખેલું હતું.
હાલમાં આ સૂટ સુરતમાં હરાજી માટે કાચની પેટીમાં મોદીના પૂતળા પર સજ્જ કરવામાં આવ્યો છે. અત્યાર સુધી સુરતના બે વેપારીઓએ તેની બોલી લગાવી છે. કોઇએ પચાચ લાખની બોલી લગાવી તો કોઇએ કરોડની અત્યારે સૂટની બોલી 1.21 કરોડ સુધી પહોંચી છે.