ગુજરાતમાં ચાલુ છે વરસાદનો તંડાવ, 31 જુલાઈ સુધી હળવા થી ભારે વરસાદની આગાહી
ગુજરાતમાં હાલમાં હળવો વરસાદ સતત ચાલુ રહ્યો છે. ગયા અઠવાડિયાથી લઈને હાલનાં અઠવાડિયામાં સતત વરસાદ જોવા મળ્યો. રાજ્યના અનેક જિલ્લાઓમાં સતત વરસાદ થઇ રહ્યો છે, જેના કારણે અનેક સ્થળોએ જળભરાવ સર્જાયો છે. સાથે જ ઘણા ડેમ પણ ઓવરફ્લો થઇ ગયા છે. હવામાન વિભાગ મુજબ, છેલ્લા કેટલાક દિવસોથી મોનસૂનની ગતિવિધી ઓછી જોવા મળી રહી હતી, પરંતુ હવે ફરી મોનસૂન સક્રિય બનતાં હળવો વરસાદ જોવા મળી રહ્યો છે. જુલાઈનો છેલ્લો અઠવાડિયો પણ વરસાદ ભરેલો જ રહેશે.
હવામાન વિભાગે જણાવ્યું કે 22 જુલાઈથી 31 જુલાઈ સુધી રાજ્યમાં હળવાથી ભારે વરસાદ થવાની શક્યતા છે. 22 જુલાઈના રોજ વડોદરા, સાબરકાંઠા, ગાંધીનગર, અરવલ્લી, અમદાવાદ, સુરત, તાપી, રાજકોટ, જામનગર, પોરબંદર, વલસાડ અને નવસારી જેવા વિસ્તારોમાં છૂટાછવાયા વરસાદની શક્યતા છે. જ્યારે 23થી 31 જુલાઈ દરમિયાન પંચમહાલ, બનાસકાંઠા, દાહોદ, અમદાવાદ, મહેસાણા, સાબરકાંઠા, ગાંધીનગર, અરવલ્લી અને ખેડા સહિત અનેક જિલ્લામાં હળવા વરસાદ માટે એલર્ટ આપવામાં આવ્યું છે.
તે સાથે જ નવસારી, વલસાડ, સુરેન્દ્રનગર, વડોદરા, નર્મદા, ભરૂચ, સુરત, ડાંગ, રાજકોટ, તાપી, અમરેલી, મોરબી, દ્વારકા, ભાવનગર, જામનગર, પોરબંદર, જુનાગઢ, ગીર સોમનાથ અને કચ્છ જિલ્લામાં પણ હળવા વરસાદની શક્યતા વ્યક્ત કરવામાં આવી છે.
હવામાન વિભાગે કેટલાક જિલ્લાઓમાં રેડ એલર્ટ અને કેટલાકમાં ઓરેન્જ એલર્ટ જાહેર કર્યો છે. જેમાં જૂનાગઢ, બોટાદ, સુરેન્દ્રનગર, આણંદ અને રાજકોટ જેવા જિલ્લાઓમાં ઓરેન્જ એલર્ટ આપવામાં આવ્યું છે. દ્વારકા, કચ્છ, બનાસકાંઠા અને જામનગરમાં રેડ અલર્ટ આપવામાં આવ્યું છે. રાજ્યમાં મોનસૂન હજી પણ સક્રિય છે અને આગામી દિવસોમાં પણ તેની ગતિવિધી ચાલુ રહે તેવી હવામાન વિભાગની આગાહી છે.
Click it and Unblock the Notifications
Sign in with Google
