24 કલાકમાં 197 તાલુકામાં વરસાદ, હજુ 4 દિવસ ગુજરાત માટે ભારે!
ગુજરાત રાજ્યમાં વરસાદની તોફાની બેટીંગ યથાવત છે. એક તરફ ગુજરાતના જામનગર, રાજકોટ અને જૂનાગઢ જિલ્લામાં વરસાદને પગલે પુરની પરિસ્થિતી છે તો બીજી તરફ હજુ વધારે વરસાદની હવામાન વિભાગ દ્વારા આગાહી કરવામાં આવી રહી છે.
ગુજરાત રાજ્યમાં વરસાદની તોફાની બેટીંગ યથાવત છે. એક તરફ ગુજરાતના જામનગર, રાજકોટ અને જૂનાગઢ જિલ્લામાં વરસાદને પગલે પુરની પરિસ્થિતી છે તો બીજી તરફ હજુ વધારે વરસાદની હવામાન વિભાગ દ્વારા આગાહી કરવામાં આવી રહી છે. ભારે વરસાદને પગલે નવ નિયુક્ત મુખ્યમંત્રી વિજય રૂપાણીએ પણ જામનગર અને રાજકોટ જિલ્લાની મુલાકાત લીધી હતી.
છેલ્લા 24 કલાકમાં વરસાદની સ્થિતી
રાજ્યમાં છેલ્લા 24 કલાકના વરસાદની વાત કરીએ તો, છેલ્લા 24 કલાકમાં રાજ્યના 197 તાલુકામાં વરસાદ નોંધાયો છે. છેલ્લા 24 કલાકમાં રાજ્યમાં સૌથી વધુ વરસાદ જૂનાગઢ જિલ્લાના માંગરોળમાં નોંધાયો છે. માંગરોળમાં 24 કલામાં 6.4 ઈંચ વરસાદ નોંધાયો છે. આ ઉપરાંત જૂનાગઢના કેશોદમાં 5 ઈંચ, જૂનાગઢ અને વંથલીમાં 4 ઈંચ, જૂનાગઢના માળિયા 3.8 ઇંચ, રાજકોટ જિલ્લાના જામકંડોરણા અને જામનગર જિલ્લાના જામજોધપુર માં 3.5 ઇંચ, સુરતના મહુવામાં 2.9 ઈંચ અને છોટાઉદેપુરમાં પણ 2.9 ઇંચ વરસાદ નોંધાયો છે.
રાજ્યના મોટાભાગના જિલ્લાઓમાં ભારે વરસાદની આગાહી
હવામાન ખાતાની આગાહીની વાત કરીએ તો, હજુ આગામી 4 દિવસ રાજ્યમાં ભારેથી અતિભારે વરસાદની સંભાવના છે. આ સંભાવનાને જોતા સૌરાષ્ટ્રના રાજકોટ, જૂનાગઢ અને જામનગરમાં રેડ એલર્ટ જાહેર કરાયું છે. આ ઉપરાંત વલસાડમાં અતિભારે વરસાદની આગાહી છે. અમદાવાદની વાત કરીએ તો અમદાવાદમાં હળવાથી મધ્યમ વરસાદ સંભાવના છે. જો કે રાજ્યમાં હજુ 22 ટકા વરસાદની ઘટ છે. સૌથી માટી વાત એ કે સૌરાષ્ટ્રમાં વરસાદની ઘટ પુરી થઈ ગઈ છે.
એનડીઆરએફ સ્ટેન્ડ બાય
રાજ્યમાં ભારે વરસાદ અને આગાહીને જોતા એનડીઆરએફની 20 ટીમ તૈનાત કરાઈ છે. રાજ્યની 15 માંથી 13 અને ભટિંડાથી આવેલી 5 ટીમને સૌરાષ્ટ્રમાં મુકાઈ છે અને ગાંધીનગર અને વડોદરામાં 1-1 ટીમ સ્ટેન્ડ બાય રખાઈ છે.