• search
For Quick Alerts
ALLOW NOTIFICATIONS  
For Daily Alerts

ગુજરાતમાં ધીમી ધારે વરસાદ: કપરાડામાં ૬ ઇંચ, ગણદેવી-જલાલપોરમાં 5 ઇંચ વરસાદ

By Kumar Dushyant
|
Google Oneindia Gujarati News

ગાંધીનગર, 17 જુલાઇ: ગુજરાત રાજ્યમાં ધીમી ધારે વરસી રહેલા વરસાદે છેલ્લા ચોવીસ કલાક દરમ્યાન ૪૩ તાલુકાઓમાં નોંધપાત્ર વરસાદ વરસાવ્યો છે. જેમાં વલસાડ જિલ્લાના કપરાડામાં ૧૪૭ મી.મી. એટલે કે ૬ ઇંચ જેટલો જયારે નવસારી જિલ્લાના ગણદેવી અને જલાલપોરમાં ૧ર૮ મી.મી. મળી કુલ બે તાલુકામાં પાંચ ઇંચથી વધુ વરસાદ વરસ્યો હોવાના અહેવાલો છે.

રાજ્યના ઇમરજન્સી ઓપરેશન સેન્ટર દ્વારા મળેલા અહેવાલો મુજબ આજે તા. ૧૭-૭-ર૦૧૩ને સવારે ૭.૦૦ કલાકે પુરા થતા ચોવીસ કલાક દરમ્યાન તાપી જિલ્લાના સોનગઢમાં ૮૬ મી.મી., નવસારી જિલ્લાના ચીખલીમાં ૯૦ મી.મી., નવસારીમાં ૭૬ મી.મી. અને સુરત જિલ્લાના મહુવામાં ૮ર મી.મી. મળી કુલ ચાર તાલુકાઓમાં ૩ ઇંચથી વધુ વરસાદ વરસ્યો છે.

દક્ષિણ ગુજરાતમાં સતત વરસી રહેલા વરસાદના પગલે વલસાડ અને વાપીમાં નીચાણવાળા વિસ્તારોમાં પાણી ઘુસી ગયાં હતા. દમણગંગા નદી ગાંડીતૂર બનતાં નીચાણવાળા ગામડાંને એલર્ટ કરી દેવામાં આવ્યા છે. તો, મધુબન ડેમમાંથી ૮૦,૦૦૦ ક્યુસેક પાણી છોડવામાં આવ્યું છે. બીજી તરફ હવામાન વિભાગ દ્વારા આગામી ૪૮ કલાકમાં ભારેથી અતિભારે વરસાદ પડવાની આગાહી કરવામાં આવી છે. જેથી જનજીવન અસ્તવ્યસ્ત બની ગયું છે.

આ ઉપરાંત છોટાઉદેપુરમાં ૬૧ મી.મી., ભાણવડમાં ૪૬ મી.મી., ખંભાળીયામાં ૪૭ મી.મી., વાલોડમાં ૬૧ મી.મી., બારડોલીમાં પ૦ મી.મી., ચોર્યાસીમાં ૬૬ મી.મી., પલસાણામાં પ૦ મી.મી., સુરત શહેરમાં પ૩ મી.મી., ઉમરપાડામાં પ૦ મી.મી., વાંસદામાં ૬પ મી.મી., ધરમપુરમાં ૬૦ મી.મી., ઉમરગામમાં ૪૬ મી.મી. અને ડાંગમાં પ૩ મી.મી. મળી કુલ ૧૩ તાલુકાઓમાં બે ઇંચથી વધુ વરસાદ વરસ્યો છે.

રાજ્યના મોડાસા, જેતપુર, શિનોર, ઉપલેટા, જામજોધપુર, ઉચ્છલ, વ્યારા, કામરેજ, માંડવી, માંગરોળ અને વલસાડ મળી કુલ ૧૧ તાલુકાઓમાં એક ઇંચથી વધુ અને અન્ય ૧૧ તાલુકાઓમાં અડધો ઇંચ કરતાં વધુ વરસાદ નોંધાયો હોવાના અહેવાલો છે.

English summary
Surat recorded one inch rain in 2 hours between 8 and 10 pm on Tuesday resulting in massive water logging problems in some low lying areas.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X