ગુજ. હાઇકોર્ટે આપી તારીખ, રેપ પીડિતાએ કરી લીધા ઝેરના પારખા
ન્યાયાધિશે બીજી તારીખ આપી હોવાનું સાંભળતા જ હતાશ થઇ ગયેલી યુવતીએ કોર્ટ પરિસરમાં જ ઝેર ઘોળી લીધું. યુવતી પોતાની સાથે પોતાના 3 વર્ષના પુત્રને પણ લઇને આવી હતી. દરમિયાન કોર્ટરૂમમાં હાજર બી.એમ મંગુકિયાએ તેણીને તાત્કાલિક સિવિલ હોસ્પિટલ ખાતે ખસેડી હતી.
આ યુવતીએ તેની પર દુષ્કર્મ આચરનાર સંદિપ પંચાલને શહેરની સેશન કોર્ટ દ્વારા મંજૂર કરવામાં આવેલ આગોતરા જામિનને પડકારતી અરજી ગુજરાત હાઇકોર્ટમાં કરી હતી. જોકે યુવતીનો વકીલ તેની દાદીનું મોત થવાના કારણે કોર્ટમાં હાજર રહી શક્યો ન્હોતો. જેના પગલે ન્યાયાધીશ આશિષ દેસાઇએ કોર્ટ એડજર્ન કરી બીજી તારીખ આપી હતી.
ઉલ્લેખનીય છે કે અમદાવાદમાં આ પ્રકારનો બીજો કિસ્સો સામે આવ્યો છે, જેના દ્વારા ન્યાયપ્રક્રિયાની વાસ્તવિકતા ઉડીને આંખે વળગે છે. આ પહેલા જાન્યુઆરીમાં એક સામુહિક બળાત્કાર પીડિતાએ ન્યાય નહી મળતા અમદાવાદની કોર્ટમાં ઝેર ઘોળી લીધું હતું.
Click it and Unblock the Notifications
Sign in with Google
