'ચેન્નઈ એક્સપ્રેસે' રચ્યો ઇતિહાસ, 3 દિવસમાં 100 કરોડની કમાણી

મુંબઇ, 12 ઓગષ્ટ: અભિનેતા શાહરૂખ ખાન અને દિપીકા પાદુકોણેને લઇને બનાવેલી રોહિત શેટ્ટીની ફિલ્મ 'ચેન્નઈ એક્સપ્રેસે' ફક્ત ત્રણ દિવસમાં જ 100 કરોડ રૂપિયાની કમાણી કરી ઇતિહાસ રચી લીધો છે. 'ચેન્નઈ એક્સપ્રેસ' ઇદના તહેવાર પર સિનેમાઘરોમાં રિલિજ કરવામાં આવી હતી.

બૉલીવુડના બિઝનેસ વિશ્લેષક તરણ આદર્શે સોશિયલ નેટવર્કિંગ વેબસાઇટ ટ્વિટર પર તેનો ખુલાસો કર્યો હતો. તરણ આદર્શે ટ્વિટર પર કહ્યું હતું કે 'અને રેકોર્ડ તૂટી ગયો! 'ચેન્નઈ એક્સપ્રેસે' પોતાના વીકએન્ડની સમાપ્તિ પર 100 કરોડનો બિઝનેસ કરી લીધો છે.'

બૉલીવુડના બાદશાહ તરીકે ઓળખાતા શાહરુખ ખાનની ફિલ્મો છેલ્લા કેટલાક સમયથી બોક્સ ઓફિસ પર ધમાલ મચાવી શકી ન હતી પરંતુ રોહિત શેટ્ટીની આ ફિલ્મે શાહરુખ ખાનને એક મોટી રાહત આપી છે.

બોક્સ ઓફિસ પર ફિલ્મના પ્રદર્શન વિશે જાણકારી આપતાં તરણ આદર્શે ટ્વિટ કર્યું હતું કે 'ચેન્નઈ એક્સપ્રેસે ગુરૂવારે પેઇડ પ્રિવ્યુંમાં 6.75 કરોડ, શુક્રવારે 33.12, શનિવારે 28.05, અને રવિવારે 32.50 કરોડ રૂપિયાનો બિઝનેસ કર્યો છે. આ પ્રમાણે આ ફિલ્મ 100.42 કરોડ રૂપિયાની કમાણી કરી ચૂકી છે.

શાહરુખ ખાન દીપિકા પાદુકોણે સાથે રૂપેરા પડદા પર બીજીવાર જોવા મળ્યા છે. આ પહેલાં શાહરુખ ખાન અને દીપિકા પાદુકોણે ફરાહ ખાનની ફિલ્મ 'ઓમ શાંતિ ઓમ'માં એક સાથે જોવા મળ્યા હતા. શાહરુખ ખાનની રોહિત શેટ્ટી સાથે પ્રથમ ફિલ્મ હતી.

English summary

Rohit Shetty’s ‘Chennai Express’ starring Shah Rukh Khan and Deepika Padukone that released this Eid has created history by minting Rs 100 crores in just three days!