Shree Krishna Janmashtami : સુરેન્દ્રનગરમાં યોજાશે ત્રણ જન્માષ્ટમી લોકમેળા, છઠથી લઇને નોમ સુધી માણી શકશો મજા

Shree Krishna Janmashtami : સુરેન્દ્રનગર-વઢવાણમાં નગરપાલિકા દ્વારા આયોજીત ભાતીગળ લોકમેળાઓ 5 સપ્ટેમ્બરના રોજ ખુલ્લો મૂકવામાં આવશે. આ મેળામાં ગ્રામ્ય અને શહેરી લોકો બહોળી સંખ્યામાં લોકમેળામાં ઉમટી પડે તેવી શક્યતા છે.

દર વર્ષની જેમ જ આ વર્ષે પણ ધામધૂમ પૂર્વક મેળો યોજાવાનો હોવાથી સુરેન્દ્રનગરની શહેરી અને ગ્રામ્ય પ્રજામાં ભારે ઉત્સાહ જોવા મળ્યો છે. જન્માષ્ટમી લોકમેળાને માણવા માટે તમામ વર્ગના લોકો પ્રથમ દિવસથી જ જોવા મળે છે.

આ લોકમેળો 5 સપ્ટેમ્બરથી 8 સપ્ટેમ્બર સુધી યોજાશે. આ મેળો રાંધણ છઠથી નોમ સુધી મેળાનું આયોજન કરવામાં આવે છે. ઉલ્લેખનીય છે કે, સૌરાષ્ટ્ર અને ઝાલાવાડમાં લોકમેળાનું ખાસ મહત્વ છે. રોજીંદા જીવનની ભાગદોડમાંથી થોડી આરામ લેવા માટે લોકો ઉત્સવો અને મેળાઓથી નવી ચેતના અને ઉમંગ ભરતા જોવા મળે છે.

આ અંર્તગત ઝાલાવાડના ગામે ગામ જન્માષ્ટમીના લોકમેળાઓનું આયોજન કરવામાં આવે છે. સુરેન્દ્રનગર, ધ્રાંગધ્રાં અને વઢવાણમાં જન્માષ્ટમી લોકમેળાનું આયોજન કરવામાં આવે છે. આ લોકમેળામાં લાખો લોકો ભાગ લે છે.

જન્માષ્ટમી લોક મેળા મહોત્સવ - વઢવાણ

સુરેન્દ્રનગર જિલ્લાના દૂધરેજ વઢવાણ શહેરમાં દર વર્ષે જનમાષ્ટમી લોક મેળા મહોત્સવનું આયોજન કરવામાં આવે છે. જન્માષ્ટમી એ ભગવાન કૃષ્ણના જન્મને યાદ કરવા માટે એક ભવ્ય ઉજવણી કરવામાં આવે છે. જન્માષ્ટમી એ આનંદ, પ્રેમ અને દિવ્યતાનો ઉત્સવ છે.

દર વર્ષે જન્માષ્ટમી લોકમેળો હિન્દુ કેલેન્ડ મુજબ રાંધણ છઠ, શીતળા સાતમ, જન્માષ્ટમી અને નોમ પર ચાર દિવસ માટે યોજાય છે. આ જન્માષ્ટમી લોકમેળાનો આનંદ માણવા આસપાસના વિસ્તારોમાંથી વિવિધ સમુદાયો અને વર્ગોના લોકો મોટી સંખ્યામાં આવે છે.

આ મેળો તેના સાંસ્કૃતિક કાર્યક્રમો, લોકનૃત્યો, સંગીત, હેન્ડલૂમ્સ અને હેન્ડીક્રાફ્ટ અને જન્માષ્ટમી સંક્રાંતિને કારણે મુલાકાતીઓ માટે એક મુખ્ય આકર્ષણ છે. અડધી સદી પહેલા વઢવાણ રાજવીએ શહેરની સાંસ્કૃતિક પરંપરાને ઉજાગર કરવા રેલ્વે સ્ટેશન ગ્રાઉન્ડ ખાતે મેળાની શરૂઆત કરી હતી.

તરણેતરના મેળા બાદ વઢવાણનો જન્માષ્ટમીનો લોકમેળો સમગ્ર વિશ્વમાં પ્રખ્યાત છે. વઢવાણનો મેળો લોક ધડકનનો અનોખો વારસો બની ગયો છે. મેળાનું આકર્ષણ પ્રાચીન કાળ જેવું જ છે, સવારે આનંદથી રંગીન અને રાત્રે રોશનીથી ઝળહળતા દ્રશ્યો જોવા મળે છે. મુલાકાતીઓ સંસ્કૃતિનો અનુભવ કરી શકે છે, અને આદિવાસી સમુદાય દ્વારા નૃત્ય, પરંપરાગત સંગીતનાં સાધનો, લોકગીતો, લોકકથાઓ, જોયરાઇડ્સ અને સ્વાદિષ્ટ સ્થાનિક ભોજનનો સ્વાદ માણી શકે છે.

English summary

Shree Krishna Janmashtami : Shree krishna Janmashtami Lok Melas will be held in Surendranagar