પાંડેસરા GIDC ગોડાઉનમાં ભીષણ આગ લાગતાં અફરાતફરી
પાંડેસરા GIDC ગોડાઉનમાં ભીષણ આગ લાગતાં અફરાતફરી
સુરતઃ શહેરના પાંડેસરા વિસ્તારમાં આવેલ GIDC ગોડાઉનમાં ભીષણ આગ લાગી. કેમિકલમાં લાગેલી ભીષણ આગથી ચારે બાજુ દુર્ગંધ ફેલાઈ ગઈ છે. આગને કાબૂમાં લેવા માટે ફાયરબ્રિગેડની ટીમ ઘટના સ્થળે પહોંચી ગઈ છે. જણાવી દઈએ કે મારૂતિ ડાઈંગ મીલની બાજુમાં આગ લાગી છે. ફાયર ફાયટરની 6 ગાડીઓ આગને કાબૂમાં લેવા પ્રયત્નશીલ છે. આગ એટલી વિશાળ હતી કે બે કિમી દૂરથી પણ ધુમાડા દેખાઈ રહ્યા હતા, ઉપરાંત રસ્તાઓ ઉપર કેમિકલ આવી ગયું હતું. કોઈપણ જાનહાનીના અહેવાલ મળ્યા નથી.
આગ લાગવાના કારણે ગોડાઉનમાંથી ઝેરી ગેસ વછૂટી નીકળતાં સમગ્ર વિસ્તારમાં અફરાતફરીનો માહોલ સર્જાયો હતો, સ્થાનિકોને શ્વાસ લેવામાં પણ તકલીફ પડી હતી. મીડિયા રિપોર્ટ્સ મુજબ વેસલ ફાટવાના કારણે આ ઘટના બની હતી, જો કે આગ કઈ રીતે લાગી તે અંગે હજી સુધી જાણી શકાયું નથી.
દિલ્હી હિંસાની દર્દભરી કહાની, કોઈ દૂધ લેવા નિકળ્યું હતું તો કોઈના 11 દિવસ પહેલા જ થયાં હતાં લગ્ન