વિપુલ ચૌધરીની ધરપકડ ભાજપની વોટબેંકમાં કેવડુ ગાબડુ?

ઉત્તર ગુજરાતના રાજકારણમાં પૂર્વ ગૃહમંત્રી વિપુલ ચૌધરીના વધતાં પ્રભાવને રોકવા દૂધસાગર ડેરીના કથિત કૌભાંડને આધાર રાખી તેમની ધરપકડ કરી લેવામાં આવી છે.

By Desk

Updated: Saturday, September 17, 2022, 20:52 [IST]

ઉત્તર ગુજરાતના રાજકારણમાં પૂર્વ ગૃહમંત્રી વિપુલ ચૌધરીના વધતાં પ્રભાવને રોકવા દૂધસાગર ડેરીના કથિત કૌભાંડને આધાર રાખી તેમની ધરપકડ કરી લેવામાં આવી છે. જોકે, વિપુલ ચૌધરી રાજકારણથી વિલુપ્ત થવાને આરે જ હતા, એક વખતે ઉત્તર ગુજરાતમાં બહોળી લોકચાહના ધરાવતાં વિપુલ ચૌધરી સહકારી માળખાથી પણ બહાર ફેકાઇ ગયા હતા. પરંતું, હવે ફરીથી સક્રિય થતાં જોવા મળ્યા હતા. તેમણે અર્બુદા સેના તૈયાર કરી ઉત્તર ગુજરાતના ચૌધરી પટેલ મતદારો પર પોતાનું વર્ચસ્વ સ્થાપિત કરવા પ્રયાસ કર્યો હતો. જેના પરિણામે, તેમની ફરીથી સક્રિયતા ભાજપના કેટલાક સ્થાપિત નેતાઓને ખુંચી હોઇ શકે છે.

દૂધ સાગર ડેરીના કૌભાંડમાં વિપુલ ચૌધરી અગાઉ પણ જેલની હવા ખાઇ ચુક્યા છે. ત્યારે, ફરીથી તેમની ધરપકડ કરવામાં આવી છે. પરંતું, ગુજરાત વિધાનસભાની ચૂંટણી નજીક આવી રહી છે. ત્યારે, ભાજપની કોર વોટબેંક સમાન ચૌધરી સમાજના વરિષ્ઠ આગેવાનની ધરપકડને રાજકીય કિન્નાખોરી તરીકે જોવામાં આવી રહી છે. ઉત્તર ગુજરાતના તાલુકા મથકો ખાતે વિપુલ ચૌધરીના સમર્થનમાં રેલીઓ યોજી આવેદનપત્રો પણ અપાયા છે. ત્યારે, જો એમની સક્રિયતા વધશે તો ભાજપની કોર વોટબેંકમાં ગાબડું પડવાની શક્યતા નકારી શકાતી નથી.

ઉતર ગુજરાતના બનાસકાંઠા, મહેસાણા, સાબરકાંઠા અને પાટણ જિલ્લામાં ચૌધરી સમાજ સહિત અન્ય સમાજના લોકોમાં પણ ચાહના ધરાવતાં અને ભાજપ તરફી વોટ ધરાવતાં લોકોમાં પોતાની પેઠ ધરાવતાં વિપુલ ચૌધરીની ધરપકડ ભાજપની વોટબેંકમાં નુકસાન કરનારી બની શકે છે.