તસવીરોમાં પોતાના મતનો ઉપયોગ કરતા મતદારો

Updated: Thursday, December 13, 2012, 12:52 [IST]

ગુજરાતમાં વિધાનસભા ચૂંટણીની 87 બેઠકો પર ધીરે-ધીરે મતદાતાઓ પોતાનો મત આપવામાં માટે લાંબી કતારોમાં જોવા મળ્યા છે. સૌરાષ્ટ્ર, દક્ષિણ ગુજરાત અને અમદાવાદ જિલ્લાની અન્ય 8 બેઠકો પર મતદાન શરૂ થઇ ગયું છે. સવારે 8 વાગ્યે શરૂ થયેલા મતદાન બાદ લોકોમાં મત આપવાનો ઉત્સાહ જોવા મળી રહ્યો છે. અહીં તસવીરોમાં દિગ્ગજ નેતાઓ અને મતદાતાઓ...

પ્રથમ તબક્કામાં 87 બેઠકો પર મતદાન શરૂ થઇ ગયું છે. જેમાં સૌરાષ્ટ્રની 48 બેઠકો, દક્ષિણ ગુજરાતની 35 બેઠકો અને અમદાવાદની 8 બેઠકો છે. વજુભાઇ વાળા, પુરષોત્તમ સોલંકી, બાવકુ ઉઘાડ સહિતના નેતાઓએ મતદાન કર્યું છે. કોંગ્રેસ અને ભાજપ બંને પ્રથમ ચરણ પોતાની જીતના દાવ કરી રહ્યાં છે.

પ્રથમ ચરણમાં કેટલાય દિગ્ગજોની કિસ્મત દાવ પર લાગેલી છે. નરેન્દ્ર મોદીના કટ્ટર વિરોધી કેશુભાઇ પટેલ, પ્રદેશ કોંગ્રેસ અધ્યક્ષ અર્જુન મોઢવાડિયા, વિધાનસભામાં વિપક્ષ નેતા શક્તિસિંહ ગોહિલ અને નરેન્દ્ર મોદીના દસ મંત્રીઓનો જનતા હિસાબ માંગશે. નાણાં મંત્રી વજુભાઇવાળા, કાયદા-કૃષિ મંત્રી દિલીપ સંઘાણી, મત્સ ઉદ્યોગ મંત્રી પુરૂષોત્તમ સોલંકી, વન મંત્રી મંગૂભાઇ પટેલની કિસ્મત આજે ઇમીએમમાં બંધ થઇ જશે.

પ્રથમ ચરણમાં 87 સીટો માટે યોજાનારી ચુંટણીમાં ભાજપે 87, કોંગ્રેસે 84, ગુજરાત પરિવર્તન પાર્ટીએ 83 એમ કુલ 846 ઉમેદવાર મેદાનમાં ઉતર્યા છે. અન્ય સ્વતંત્ર પક્ષના ઉમેદવારો પણ ચુંટણી લડી રહ્યાં છે. ભાજપ-કોંગ્રેસ બંને પ્રથમ ચરણમાં ધમાકેદાર જીતના દાવા કરી રહી છે.