Weather Update : ચક્રવાત બિપોરજોય બાદ ગુજરાત સહિત આ રાજ્યોમાં થશે ભારે વરસાદ
Weather Update : બિપોરજોય ચક્રવાતે ગુજરાતમાં ભારે તારાજી સર્જી હતી. જે બાદ આ ચક્રવાત ધીરે ધીરે દબાણમાં પરિણમ્યું હતું, જે બાદ ઉત્તર ગુજરાતના જિલ્લામાં ગત 24 કલાકમાં ભારે વર્ષા થઇ હતી. અધિકારીઓના જણાવ્યા અનુસાર, તાત્કાલિક કાર્યવાહી કરી બનાસકાંઠા અને પાટણ જિલ્લાના નિચાણવાળા વિસ્તારોમાં રહેનારા હજારો લોકોને સુરક્ષિત સ્થળે ખસેડવામાં આવ્યા છે.
ભારતીય હવામાન વિભાગ (IMD) અનુસાર, ચક્રવાત બિપોરજોય દક્ષિણ રાજસ્થાન પર ડિપ્રેશનમાં તીવ્ર બન્યું છે અને રવિવારના રોજ તે વધુ તીવ્ર બનશે અને ગુજરાત, રાજસ્થાન અને મધ્ય પ્રદેશના ભાગોમાં વરસાદ પડશે તેવી અપેક્ષા છે.
IMD અનુસાર, દક્ષિણ રાજસ્થાનના મધ્ય ભાગો અને પડોશમાં ડિપ્રેશન છેલ્લા છ કલાક દરમિયાન 10 કિમી પ્રતિ કલાકની ઝડપે પૂર્વ-ઉત્તર-પૂર્વ તરફ આગળ વધ્યું હતું અને જોધપુરથી લગભગ 40 કિમી પૂર્વ-દક્ષિણપૂર્વમાં કેન્દ્રિત હતું. તે પૂર્વ-ઉત્તર-પૂર્વ તરફ આગળ વધે અને આગામી 12 કલાક દરમિયાન તેની તીવ્રતા જાળવી રાખે તેવી સંભાવના છે.
IMDના જણાવ્યા અનુસાર, ચક્રવાત ગુરુવારની સાંજે ગુજરાતના દરિયાકાંઠે અથડાયા બાદ ખૂબ જ તીવ્ર ચક્રવાતી વાવાઝોડામાં ફેરવાઈ જતાં, ઉત્તર ગુજરાતના બનાસકાંઠા અને પાટણના ભાગોમાં ભારે વરસાદ પડ્યો હતો, જેનાથી સામાન્ય જનજીવન પ્રભાવિત થયું હતું.
રવિવારની સાંજે દક્ષિણ રાજસ્થાન અને આજુબાજુના ઉત્તર ગુજરાતના વિસ્તારોમાં પવનની ઝડપ 40-50 કિમી પ્રતિ કલાકની ઝડપે 60 કિમી પ્રતિ કલાક સુધી પહોંચવાની સંભાવના છે. આ પવનો સોમવારની સવાર સુધીમાં પૂર્વ રાજસ્થાન અને આસપાસના વિસ્તારો તરફ આગળ વધશે. વરસાદથી નીચાણવાળા વિસ્તારોમાં પાણી ભરાઈ શકે છે અને જોખમી ઈન્ફ્રાસ્ટ્રક્ચરને નુકસાન થઈ શકે છે.
ચક્રવાત બિપોરજોય એ ગુજરાતના આઠ દરિયાકાંઠાના જિલ્લાઓને સૌથી વધુ અસર કરી હતી, પરંતુ રાજ્યમાં કોઈ જાનહાનિ નોંધાઈ નથી. સત્તાવાળાઓએ ચક્રવાતને જોતા એક લાખથી વધુ લોકોને સુરક્ષિત સ્થળોએ ખસેડ્યા હતા.
આ દરમિયાન કચ્છ જિલ્લામાં સતત બે દિવસના અત્યંત ભારે વરસાદ બાદ શનિવારના રોજ વરસાદના સ્તરમાં ઘટાડો નોંધાયો હતો. કારણ કે, ગુરુવારના રોજ અત્યંત તીવ્ર ચક્રવાતી વાવાઝોડા તરીકે બિપોરજોયે જાખો બંદર નજીક લેન્ડફોલ કર્યું હતું.
IMD એ રવિવારે ઉત્તર ગુજરાત અને દક્ષિણ પશ્ચિમ અને ઉત્તરપૂર્વ રાજસ્થાનના ઘણા ભાગોમાં હળવાથી મધ્યમ વરસાદની આગાહી કરી છે. આ સાથે દક્ષિણપૂર્વ અને ઉત્તરપૂર્વ રાજસ્થાન અને પશ્ચિમ મધ્યપ્રદેશના મોટાભાગના વિસ્તારોમાં હળવાથી મધ્યમ વરસાદ પડી શકે છે, જ્યારે કેટલાક સ્થળોએ ભારેથી અતિ ભારે વરસાદની આગાહી કરવામાં આવી છે.
Click it and Unblock the Notifications
Sign in with Google
