તસવીરો: જ્યારે બાથરૂમમાં ધૂસ્યો મગર
વડોદરામાં મગરનો ત્રાસ છાશવારે વધી રહ્યો છે. ક્યારે વડોદરાની ગાર્ડનમાં મગર લોકોને ડરાવી મૂકી છે. તો ક્યારેક તળાવ પાસે. વારંવરા નદીમાં મગર આવી જતા લોકોના માથે મગરનો ડર હંમેશા રહેલો હોય છે. ત્યારે હાલમાં જ વડોદરામાં બાથરૂમમાં મગરનું બચ્ચું આવી જતા ભારે નાસભાગ મચી ગઈ હતી.
વડોદરા શહેરના ડભોઇ રોડ પર આવેલા જયનારાયણ નગરના મકાન નંબર 2ના બાથરૂમમાં મગરનું 2 ફૂટ લાંબુ બચ્ચું ઘૂસી ગયું હતું. ઘરના લોકોને મગર બાથરૂમમાં દેખાતા જ ગભરાટનો માહોલ ફેલાઇ ગયો હતો. અને સોસાયટીના રહીશો એકત્ર થઇ ગયા હતા. મકાન નંબર 2માં રહેતી કિશોરીએ કાંસ પાસેથી આવતા મગરનું બચ્ચું જોયું હતું અન તેણે બાજુના ઘરમાં જાણ કરીને દરવાજા બંધ કરી દેવા જણાવ્યું હતું તેમજ તેણે પોતાન ઘરનો દરવાજો પણ બંધ કરી દીધો હતો.
ત્યાર બાદ રહીશો દ્વારા તુરંત જ વનવિભાગને જાણ કરવામાં આવી હતી. અને વનવિભાગની ટીમ ઘટના સ્થળે દોડી ગઇ હતી. જેમાં અડધો કલાકની મહામહેનતે મગરના બચ્ચાને રેસક્યૂ કરીને વનવિભાગ લઇ જવાયું હતું.
આ મગરનું બચ્ચું જયનારાયણ નગરની પાછળ આવેલા નાળામાંથી ઘરમાં આવ્યું હોવાની શક્યતા સેવાઇ રહી છે. મગરનું બચ્ચું પકડાઇ જતા સોસાયટીના રહીશોએ રાહતનો શ્વાસ લીધો છે. અહીના રહિશોએ જણાવ્યું હતું કે અહી પાસેના કાંસમાં 3 જેટલા મગર રહે છે અને તે અવારનવાર આ રીતે રહેવાસી વિસ્તારમાં આવી જતા હોય છે.
Click it and Unblock the Notifications
Sign in with Google
