વિદેશમાં નોકરી અપાવાના બહાને મહિલા સાથે અમદાવાદમાં ઠગાઇ
જોધપુર પાસે રહેત જાનકી પટેલ નામની મહિલાની ફરિયાદના આધારે પોલીસે નિના શર્મા, રવિ પંજાબી અને અપૂર્વ જોશી વિરુદ્ધ ઠગાઇનો ગુનો નોંધી તપાસ હાથ ધરી છે. ઉક્ત ત્રણેય વ્યક્તિએ જાનકી પટેલને એપ્રિલ અને ઓગસ્ટ મહિનામાં છેતર્યા હતા.
જાનકી પટેલે જણાવ્યા પ્રમાણે કેનેડા મોકલવા અંગેની જાહેરાત વાંચીને તેઓ એપ્રિલ મહિનામાં પ્રહલાદનગર ગાર્ડન પાસે એક ઇમિગ્રેશન કંપનીમાં ગયા હતા. જ્યાં અપૂર્વ જોશી સહિત અન્ય બે વ્યક્તિઓએ તેમને કેનેડાના વિઝા અપાવવા અંગે જણાવ્યું હતું. તેમજ કોન્ટેક્ટ થકી હોટલમાં જોબ અપાવવા અંગેની બાહેધરી પણ આપી હતી. એ લોકોની વાતોમાં આવીને જાનકી પટેલે પોતાના તમામ ડોક્યુમેન્ટ અને 15.60 લાખ રૂપિયા ઇન્સ્ટોલમેન્ટમાં તેમને ચુકવ્યા હતા. જો કે, રકમ ચુકવાઇ ગયા પછી પણ આ ત્રિપૂટી દ્વારા જાનકી પટેલને કોઇ વિઝા આપવામાં આવ્યા નહીં હોવાનું ફરિયાદમાં નોંધવામાં આવ્યું છે.