GPPના ગોરધન ઝડફિયા, BJPના દિલિપ સંઘાણી-પ્રફુલ પટેલનો પરાજય

Updated: Thursday, December 20, 2012, 11:31 [IST]

ગોંડલ ખાતે જીપીપીના ગોરધન ઝડફિયાનો પરાજય થયો છે. તેમની સામે ભાજપના જયરાજસિંહ જાડેજાનો વિજય થયો છે. તો બીજી તરફ અમરેલીમાં મોદી સરકારના મંત્રી દિલિપ સંઘાણીનો પરાજય થયો છે. તેમની સામે કોંગ્રેસના પરેશ ધાનાણીનો વિજય થયો છે. ગોરધન ઝડફિયાને જીપીપીના બીજા ટોચના નેતા માનવામાં આવે છે અને તેમને કેશુભાઇના કર્ણ પણ ગણાવવામાં આવે છે. જો કે, તેમના પરાજયથી જીપીપીને મોટો આંચકો પહોંચ્યો હશે. ગુજરાત વિધાનસભા ચૂંટણી 2012માં મણિનગર બેઠક પર નરેન્દ્ર મોદીની વિજય થયો છે. તેમની સામે કોંગ્રેસ દ્વારા શ્વેતા ભટ્ટને ટીકિટ આપી હતી. તેઓ 40 હજાર વોટથી જીત્યા છે. મોદીના વિજયથી ભાજપ કાર્યાલય ખાતે કાર્યકરો જૂમી ઉઠ્યા છે. હિંમતનગરમાં પ્રફુલ પટેલનો પરાજય થયો છે.

ગુજરાત વિધાનસભા ચૂંટણી 2012ના ભાવિનો ફેંસલો આવતીકાલે એટલે કે 20 ડિસેમ્બર, 2012ના રોજ થવાનો છે. ઇવીએમમાં નોંધાયેલા મતોની ગણતરી માટે ચૂંટણી પંચે તમામ તકેદારી રાખી છે. પોલીસના જાપ્તા હેઠળ તમામ ઇવીએમ સ્ટ્રોંગરૂમમાં પહોંચી ગયા છે. આ અંગેની પ્રાત્પ વિગતો અનુસાર ગુજરાતની બે તબક્કામાં યોજાયેલી ચૂંટણીઓ પૈકી પ્રથમ તબક્કામાં 21,261 અને બીજા તબક્કામાં 23,348 એમ કુલ 44,579 ઇવીએમ (ઇલેકટ્રોનિક વોટીંગ મશીન)નો ઉપયોગ કરવામાં આવ્યો હતો. ગુજરાતના મુખ્યમંત્રી અને પ્રધાનો સહિતના ઉમેદવારોના ભાવિ તેમાં સીલ છે. આ ઇવીએમ ગુજરાતમાં 33 સ્થળોએ ઉભા કરાયેલા સ્ટ્રોંગ રૂમમાં સેન્ટ્રલ પોલીસ ફોર્સનાં સખત જાપ્તા હેઠળ કેદ છે. ચૂંટણી પંચે દિવસ-રાત 'સીલ્ડ' સ્ટ્રોંગ રૂમ બહાર ચોકી પહેરો ગોઠવ્યો છે.