કાર ખીણમાં પડતા સર્જાયો અકસ્માત, 12 લોકોના મોત
ઉત્તરાખંડના દેહરાદૂન જિલ્લામાં રવિવારની સવારે એક ભયાનક માર્ગ અકસ્માતની ઘટના સામે આવી છે. ચકરાતામાં થયેલા આ અકસ્માતમાં 12 લોકોના મોત થયા છે. આ સાથે અન્ય ઘણા લોકો ઘાયલ થયા છે.
દેહરાદૂન : ઉત્તરાખંડના દેહરાદૂન જિલ્લામાં રવિવારની સવારે એક ભયાનક માર્ગ અકસ્માતની ઘટના સામે આવી છે. ચકરાતામાં થયેલા આ અકસ્માતમાં 12 લોકોના મોત થયા છે. આ સાથે અન્ય ઘણા લોકો ઘાયલ થયા છે.
ઇજાગ્રસ્તોને તાત્કાલિક સારવાર અર્થે હોસ્પિટલ ખસેડવામાં આવ્યા હતા. હાલ તેમની સારવાર ચાલી રહી છે. કાર ખીણમાં પડી જતાં આ અકસ્માત સર્જાયો હતો.
દેહરાદૂનના ચકરાતા તાલુકાના બાયલા ગામમાં એક ભયાનક માર્ગ અકસ્માત થયો હતો. આ માર્ગ અકસ્માતમાં 12 લોકોના મોત થયા હોવાના અહેવાલ છે. અકસ્માતમાં અનેક લોકો ઘાયલ થયા છે.
યુટિલિટી વ્હીકલ બેકાબૂ બનીને ઊંડી ખીણમાં પડી જતાં આ અકસ્માત સર્જાયો હતો. બચાવ રાહત દળ અને વહીવટીતંત્રની ટીમ ઘટનાસ્થળે પહોંચી ગઈ છે.
આ અકસ્માત અંગે ચકરાતાના ધારાસભ્ય પ્રીતમ સિંહે જણાવ્યું કે, આ અકસ્માત સવારે 8 કલાકની આસપાસ સર્જાયો હતો. આ અકસ્માત બહુ ભયાનક હતો. એક વ્યક્તિ જેની હાલત ગંભીર છે, પરંતુ જીવિત છે તેને હોસ્પિટલમાં ખસેડવામાં આવ્યો છે. આ સાથે 6થી 7 મૃતદેહો પણ બહાર કાઢવામાં આવ્યા છે. ઊંડી ખીણમાં અકસ્માત થયો હોવાથી અકસ્માત સર્જાવાના કારણ અંગે કંઈ કહી શકાય નહીં.
Click it and Unblock the Notifications
Sign in with Google
