દુર્ઘટનાના 24 કલાક પહેલા બિપિન રાવતે જૈવિક યુદ્ધની શક્યતા વ્યક્ત કરી હતી!

ચીફ ઓફ ડિફેન્સ સ્ટાફ જનરલ બિપિન રાવત સહિત વરિષ્ઠ સંરક્ષણ અધિકારીઓને લઈ જતું હેલિકોપ્ટર બુધવારે તમિલનાડુના નીલગિરિ જિલ્લામાં ક્રેશ થયું હતું. જેમાં બિપિન રાવત સહિત 13 લોકોના મોત થયા છે.

By Desk

Published: Wednesday, December 8, 2021, 18:58 [IST]

નવી દિલ્હી, 8 ડિસેમ્બર : ચીફ ઓફ ડિફેન્સ સ્ટાફ જનરલ બિપિન રાવત સહિત વરિષ્ઠ સંરક્ષણ અધિકારીઓને લઈ જતું હેલિકોપ્ટર બુધવારે તમિલનાડુના નીલગિરિ જિલ્લામાં ક્રેશ થયું હતું. જેમાં બિપિન રાવત સહિત 13 લોકોના મોત થયા છે. પ્રાથમિક તપાસમાં આ ઘટના પાછળનું કારણ ખરાબ હવામાન જણાવવામાં આવી રહ્યું છે, હાલ વાયુસેના દ્વારા રચાયેલી ઉચ્ચ સ્તરીય સમિતિ આ મામલાની તપાસ કરી રહી છે. અકસ્માતના એક દિવસ પહેલા સીડીએસ રાવતે જૈવિક યુદ્ધની સંભાવના વ્યક્ત કરી હતી. આ સાથે તમામ દેશોને આ માટે તૈયાર રહેવા માટે કહેવામાં આવ્યું હતું.

કોરોના પર આ વાત કહી હતી

ડિસેમ્બર 7 ના રોજ CDS બિપિન રાવતે BIMSTEC સભ્ય દેશો સાથે જોડાયેલા ડિઝાસ્ટર મેનેજમેન્ટ કવાયતના કર્ટેન રેઝર પ્રોગ્રામમાં ભાગ લીધો હતો, જેમાં બાંગ્લાદેશ, નેપાળ, મ્યાનમાર, ભૂટાન, થાઇલેન્ડ અને શ્રીલંકાએ ભાગ લીધો હતો. આ કાર્યક્રમમાં કોરોના વિશે વિસ્તૃત ચર્ચા કરવામાં આવી હતી. સીડીએસે પોતાના સંબોધનમાં કહ્યું કે હું એક મહત્વપૂર્ણ મુદ્દો ઉઠાવવા માંગુ છું. તે મુદ્દો છે કોરોના વાયરસ, શું તે નવા પ્રકારના યુદ્ધનું સ્વરૂપ લઈ રહ્યો છે. આનો સામનો કરવા માટે દરેક વ્યક્તિએ મજબૂત બનવું પડશે. તાજેતરમાં તેનું ઓમિક્રોન વેરિઅન્ટ સામે આવ્યુ છે. જો ભવિષ્યમાં તે બદલાશે તો આપણે તેના માટે તૈયાર રહેવું પડશે.

એકબીજાને સાથ આપો

CDS બિપિન રાવતે તેમના સંબોધન દરમિયાન જૈવિક યુદ્ધનો ભય વ્યક્ત કર્યો હતો. સાથે જ તમામ દેશોને આ માટે એકબીજાને સહયોગ કરવાની અપીલ કરી હતી. તેમણે કહ્યું હતું કે બધા માટે જરૂરી છે કે આપણે આપણી બુદ્ધિ કુશળતાથી એકબીજાને ટેકો આપીએ. વિશ્વના સશસ્ત્ર દળોએ આફતોનો સામનો કરવા માટે વિશેષ તૈયારીઓ કરવી પડશે. જ્યારે કોરોના આવ્યો ત્યારે ઘણી જગ્યાએ સશસ્ત્ર દળો દ્વારા મદદ પૂરી પાડવામાં આવી હતી.

હલિકોપ્ટરમાં 14 લોકો સવાર હતા

દુર્ઘટનાગ્રસ્ત Mi-17V5 હેલિકોપ્ટરમાં CDS જનરલ બિપિન રાવત સાથે તેમની પત્ની મધુલિકા રાવત પણ હાજર હતા. તે ઉપરાંત બ્રિગેડિયર એલ.એસ. લિદ્દર, લેફ્ટનન્ટ કર્નલ હરજિન્દર સિંઘ, નાયક ગુરસેવક સિંઘ, નાયક જિતેન્દ્ર કુમાર, લેફ્ટનન્ટ નાયક વિવેક કુમાર, લે.નાયક બી. સાઈ તેજા, હવાલદાર સતપાલ સવાર હતા.

Published On December 8, 2021