Madhya Pradesh Election : 28 મીં ચૂંટણી અને પીએમ બનવાનું સપનુ, જાણો કોણ છે મધ્ય પ્રદેશના ધરતી પકડ ઉમેદવાર?

રાજ્યોની વિધાનસભા ચૂંટણી વચ્ચે મધ્યપ્રદેશના એક ઉમેદવારની ખુબ ચર્ચા થઈ રહી છે. તમને જાણીને નવાઈ લાગશે કે આ ઉમેદવાર આ 28 મીં ચૂંટણી લડી રહ્યા છે. તેને લોકો મધ્ય પ્રદેશના ધરતી પકડ કહી રહ્યા છે.

ધરતી પકડ એ વ્યક્તિનું નામ છે જેની પાસે ભારતમાં સૌથી વધુ ચૂંટણી લડવાનો અને હારવાનો રેકોર્ડ છે. આવી જ રીતે મધ્યપ્રદેશમાં પણ આનંદ કુશવાહ 28મી વખત ચૂંટણી લડી રહ્યા છે.

આ પહેલા તેમણે ઘણા પ્રકારની ચૂંટણીઓમાં ઉમેદવારી નોંધાવી હતી. જો કે તે ક્યારેય જીત્યા નથી. આનંદ કુશવાહાએ અત્યારસુધીમાં રાષ્ટ્રપતિ, ઉપરાષ્ટ્રપતિ, સાંસદ, ધારાસભ્ય, કાઉન્સિલર જેવી ચૂટણીઓમાં ઉમેદવારી નોંધાવી છે.

તેમનું ઘણી વખત નોમિનેશન રદ પણ કરવામાં આવ્યું છે અને ઘણી વખત સિક્યોરિટી ડિપોઝિટ પણ જપ્ત થઈ છે. આ હોવા છતાં તેમને વિશ્વાસ છે કે તે એક દિવસ દેશના વડાપ્રધાન બનશે. તે ચા વેચવાનું કામ કરે છે અને એટલા માટે તે કહે છે કે પીએમ મોદીની જેમ તે પણ એક દિવસ વડાપ્રધાન બનશે.

આનંદ કુશવાહા ગ્વાલિયર ગ્રામીણ વિધાનસભા બેઠક પરથી ચૂંટણી લડી રહ્યા છે. આ વખતે તે બસપાની ટિકિટ પર ચૂંટણી લડ્યા છે. તેમના ચૂંટણી પ્રચારની શૈલી તદ્દન અલગ છે. તેમનું ચૂંટણી પ્રતીક હાથી છે પરંતુ તેઓ સાઇકલ પર સવાર થઈને પ્રચાર કરી રહ્યા છે.

English summary

28th election and dream of becoming PM, know who is this candidate from Madhya Pradesh?