ધરપકડ પહેલા કિરણ પટેલના અન્ય 3 સાથીઓ ફરાર, તમામ મેળવતા હતા વીઆઈપી સુવિધા
રાજકીય ષડયંત્રનો આરોપ લગાવતા કિરણ પટેલના વકીલે કહ્યું છે કે, કિરણ પટેલ સાથે વધુ બે લોકોને પોલીસે મુક્ત કર્યા હતા. તેમણે કહ્યું કે, મારા ક્લાયન્ટે મને કહ્યું કે તેની સાથે ગુજરાતના વધુ બે લોકો હતા.
શ્રીનગર : પીએમઓ અધિકારીની ઓળખ આપીને વીઆઈપી સુરક્ષા લેનારા કિરણ પટેલને લઈને વધુ એક ચૌકાવનારા સમાચાર સામે આવ્યા છે. સામે આવી રહેલા અહેવાલો અનુસાર, કિરણ પટેલના અન્ય ત્રણ સાથીઓ, જે આવી વીઆઈપી સુવિધાઓ લેતા હતા તે પોલીસે ધરપકડ કરે તે પહેલા જ ફરાર થઈ હોઈ શકે છે.
મીડિયા રિપોર્ટ અનુસાર, આરોપી કિરણ પટેલ જમ્મુ અને કાશ્મીર પ્રશાસન તેમજ ઝેડ-પ્લસ સુરક્ષા, બુલેટપ્રૂફ મહિન્દ્રા સ્કોર્પિયો એસયુવી, ફાઇવ-સ્ટાર હોટેલ સત્તાવાર સ્ટે સહિત ઘણી વીઆઈપી સુવિધાઓ ભોગવી હતી.
સૂત્રો અનુસાર, કિરણ પટેલ સિવાય ગુજરાતથી અમિત હિતેશ પંડ્યા અને જય સીતાપરા અને રાજસ્થાનના ત્રિલોક સિંહ શ્રીનગરની એક ફાઈવ સ્ટાર હોટલમાં સાથે રોકાયા હતા અને પીએઓની સત્તાવાર ટીમ હોવાનું જણાવ્યુ હતુ.
બીજી તરફ આ મામલે આક્ષેપો પણ શરૂ થઈ ગયા છે. રાજકીય ષડયંત્રનો આરોપ લગાવતા કિરણ પટેલના વકીલે કહ્યું છે કે, કિરણ પટેલ સાથે વધુ બે લોકોને પોલીસે મુક્ત કર્યા હતા. તેમણે કહ્યું કે, મારા ક્લાયન્ટે મને કહ્યું કે તેની સાથે ગુજરાતના વધુ બે લોકો હતા. પોલીસે તેને મુક્ત કર્યા છે. પોલીસે કલમ 164 હેઠળ મેજિસ્ટ્રેટ સમક્ષ નિવેદન પણ નોંધ્યું છે.
જમ્મુ અને કાશ્મીર સીઆઈડીને મળેલી સૂચનાને પગલે 2 માર્ચે કિરણ પટેલની ધરપકડ કરવામાં આવી તેના કલાકો પહેલાં તેના ત્રણ સાથીદારો ભાગવામાં સફળ થયા હોવાનું સુત્રો જણાવી રહ્યા છે.
સૂત્રો અનુસાર, કિરણ પટેલે એક વરિષ્ઠ અધિકારીને બડગામ જિલ્લાના સત્તાવાર પ્રવાસ પર તેમની સાથે આવવા કહ્યું ત્યારથી તે શંકાના દાયરામાં આવ્યો હતો. સૂત્રોના જણાવ્યા અનુસાર અધિકારીએ સીઆઈડીના ટોચના અધિકારીનો સંપર્ક કર્યો હતો. જે બાદ આ કિરણ પટેલની ધરપકડ કરાઈ. અહીં તમને એ પણ જણાવી દઈએ કે, કિરણ પટેલ તેની ટ્રીપના ફોટો-વીડિયો પણ શેર કરતો હતો.
Click it and Unblock the Notifications
Sign in with Google
