આસામમાં બોમ્બ બ્લાસ્ટ, 7 ઇજાગ્રસ્ત, એકનું મોત

સિબ્સાનગર, 25 સપ્ટેમ્બર : આસામના સિબ્સાનગર જિલ્લાના એક નાના શહેરમાં સોમવારે રાત્રે થયેલા બોમ્બ વિસ્ફોટમાં આઠ લોકો ઇજાગ્રસ્ત થયા હતા. જેમાંથી એક અતિ ગંભીર ઘાયલનું મોત થયું હતું. શહેરના મુખ્ય વિસ્તાર ગણાતા સેન્ટ્રલ માર્કેટ અને લક્ષ્મી ટૉકિઝની વચ્ચેના માર્ગમાં રાત્રે 9 વાગે વિસ્ફોટ થયો હતો.

ઇજાગ્રસ્ત લોકોને તાત્કાલિક ધોરણે સ્થાનિક હોસ્પિટલમાં ખસેડવામાં આવ્યા હતા. વિસ્ફોટની તીવ્રતા એટલી વધારે હતી કે આસપાસની ઇમારતોના કાચ તૂટી ગયા હતા.

પોલીસે વિસ્ફોચની તપાસ શરૂ કરી દીધી છે. પ્રાથમિક તપાસના આધારે પોલીસનું માનવું છે કે વિસ્ફોટ આઇઆઇડી (ઇમ્પ્રુવ્ડ એક્સપ્લોસિવ ડિવાઇસ) દ્વારા કરવામાં આવ્યો હતો. જેને એક સાઇકલ પર લગાવવામાં આવ્યું હતું.

આ સાથે પોલીસે વિસ્ફોટ સાથે સંકળાયેલી વ્યક્તિઓની તપાસ કરવી શરૂ કરી દીધી છે. આ વિસ્ફોટ ભીડવાળા વિસ્તારમાં કરવામાં આવ્યો હતો. જેનો ઉદ્દેશ્ય મોટી સંખ્યામાં લોકોને નિશાન બનાવવાનો હતો.

English summary

Eight persons were injured, one of them died, when a blast rocked this town in Assam late Monday night.