નોઈડામાં યુવતીની હત્યા કરી હત્યારાએ ખુદને ગોળી મારી, બન્નેના મોત
દિલ્હીને અડીને આવેલા ગ્રેટર નોઈડામાં એખ ભયાનક ઘટના સામે આવી રહ્યા છે. આ ઘટનામાં એક શખ્સે યુવતીને ગોળી મારીને હત્યા કર્યા બાદ ખુદને ગોળી મારી દેતા બન્નેના મોત થયા છે.
સામે આવી રહેલા સમાચારો અનુસાર, ગ્રેટર નોઈડાના દાદરી પોલીસ સ્ટેશન વિસ્તારમાં આવેલી શિવ નાદર યુનિવર્સિટીમાં એક વિદ્યાર્થીએ એક વિદ્યાર્થીનીની ગોળી મારીને હત્યા કરી દીધી. આ હત્યા કર્યા બાદ આરોપીએ ખુદને પણ ગોળી મારી.
ઘટના બાદ વિદ્યાર્થીનીને ગંભીર હાલતમાં હોસ્પિટલમાં લઈ જવામાં આવી હતી. અહીં ડોક્ટરોએ તેને મૃત જાહેર કરી. અહેવાલો અનુસાર, બંને વચ્ચે પ્રેમ પ્રકરણ હતું. બંને મૃતક બીએ સોશિયોલોજીના ત્રીજા વર્ષમાં અભ્યાસ કરતા હતા.
શિવ નાદર યુનિવર્સિટીમાં અમરોહાનો સહેવાસી અનુજ અને તેની સાથે ભણતી વિદ્યાર્થિની નેહા ચરસિયા ડાઈનિંગ હોલ સામે ઉભા રહીને વાતો કરી રહ્યા હતા. આ દરમિયાન બંને ગળે પણ મળ્યા હતા. દરમિયાન અચાનક અનુજે પિસ્તોલ કાઢી અને નેહાને ગોળી મારી દીધી. નેહાને ઈજાગ્રસ્ત હાલતમાં યથાર્થ હોસ્પિટલમાં લઈ જવામાં આવી હતી. અહીં ડૉક્ટરોએ તેને મૃત જાહેર કરી હતી.
નેહાની હત્યા બાદ આરોપી અનુજ બોયઝ હોસ્ટેલ પહોંચ્યો હતો. અહીં તેને રૂમમાં બંધ કરીને પોતાને ગોળી મારી દીધી. હાલ પોલીસે બન્નેના પરિવારજનોને જાણ કરીને આગળની કાર્યવાહી હાથ ધરી છે.
અહેવાલો અનુસાર, બન્ને મૃતક એકબીજાના સારા મિત્રો હતા અને છેલ્લા કેટલાક સમયથી વિવાદ ચાલી રહ્યો હતો. હાલ પોલીસે બન્નેના મૃતદેહને પોસ્ટમોર્ટમ માટે મોકલી આપ્યા છે.
Click it and Unblock the Notifications
Sign in with Google
