રાહુલ ગાંધી બાદ વધુ એક સાંસદની લોકસભા સદસ્યતા રદ કરાઈ, જાણો કેમ કરાઈ કાર્યવાહી?
હાલમાં જ રાહુલ ગાંધીને લોકસભાના સદસ્યતા રદ કરાઈ હતી. હવે વધુ એક સાંસદની સદસ્યતા રદ કરાઈ છે. આ કેસમાં પણ કોર્ટે સજા સંભળાવ્યા બાદ હવે લોકસભા સ્પીકરે સાંસદ પદેથી અયોગ્ય ઠેરવી લોકસભાની સદસ્યતા રદ્દ કરી છે.
બહુજન સમાજ પાર્ટીના સાંસદ અને યુપીના ગાઝીપુરના પૂર્વ ધારાસભ્ય મુખ્તાર અંસારીના ભાઈ અફઝલ અંસારીને ગયા અઠવાડિયે ગેંગસ્ટર એક્ટ કેસમાં દોષિત ઠેરવવામાં આવ્યા હતા. આ કેસમાં કોર્ટે તેમને ચાર વર્ષની કેદની સજા ફટકારી છે.
અફઝલ અન્સારીને દોષિ ઠેરવ્યા બાદ હવે સાંસદ તરીકે તેમને ગેરલાયક ઠેરવવામાં આવ્યા છે. લોકસભા સચિવાલયે લોકસભાનું સભ્યપદ રદ કરવાની નોટિસ જારી કરી છે.
તમને જણાવી દઈએએ કે, મુખ્તાર અંસારીના ભાઈ અફઝલ અન્સારી અપહરણ અને હત્યાના કેસમાં દોષી સાબિત થયા હતા. તેમની સામે ગેંગસ્ટર એક્ટ અંતર્ગત કાર્યવાહી કરવામાં આવી હતી. અફઝલ પર 1996માં વિશ્વ હિન્દુ પરિષદના કાર્યકર્તા નંદકિશોર રૂંગટાના અપહરણ અને 2005માં બીજેપી ધારાસભ્ય કૃષ્ણાનંદ રાયની હત્યામાં સંડોવણીનો આરોપ છે. જે અંતર્ગત અંસારી બંધુઓ સામે ગેંગસ્ટર એક્ટ હેઠળ કાર્યવાહી કરવામાં આવી હતી.
અહીં તમને જણાવી દઈએ કે, હાલમાં જ લોકસભા સ્પીકરે કોંગ્રેસના નેતા રાહુલ ગાંધીને સંસદ સભ્યપદેથી ગેરલાયક ઠેરવ્યા હતા. સુરત કોર્ટે તેમને સજા ફટકાર્યા બાદ આ કાર્યવાહી કરાઈ હતી. ઉલ્લેખનિય છે કે, બે વર્ષ કે તેનાથી વધુ સજા મેળવનારા સાંસદ ગેયલાયક ગણાય છે.
Click it and Unblock the Notifications
Sign in with Google
