હૈદરાબાદ ગેંગરેપ મામલે છઠ્ઠો આરોપી નીકળ્યો AIMIM ધારાસભ્યનો પુત્ર, બધાની પોલિસે કરી ધરપકડ

હૈદરાબાદ ગેંગરેપ મામલે છઠ્ઠો આરોપી AIMIM ધારાસભ્યનો દીકરો નીકળ્યો.

હૈદરાબાદઃ તેલંગાના પોલિસે મંગળવારે ખુલાસો કર્યો કે ગયા સપ્તાહે હૈદરાબાદના જુબલી હિલ્સમાં એક સગીર છોકરી સાથે ગેંગરેપની જે ઘટનાને અંજામ આપવામાં આવ્યો હતો તેમાં AIMIMના ધારાસભ્યના દીકરાનુ નામ પણ આરોપીઓમાં આવ્યુ છે. પોલિસે જણાવ્યુ કે આ છઠ્ઠો આરોપી છે કે જે સગીર જણાવવામાં આવી રહ્યો છે અને તેને પોલિસે ધરપકડ કરી લીધી છે. આ કેસના બધા આરોપી હવે પોલિસની કસ્ટડીમાં છે.

4 આરોપીઓને રાજકીય પરિવારો સાથે સંબંધ

મંગળવારે હૈદરાબાદના પોલીસ કમિશનર સીવી આનંદે કહ્યું કે તમામ 6 આરોપી અમારી કસ્ટડીમાં છે જેમાંથી 5 સગીર છે. સીવી આનંદે જણાવ્યું કે સાદુદ્દીન મલિક તેમાં મુખ્ય આરોપી છે જેને ન્યાયિક કસ્ટડીમાં મોકલવામાં આવ્યો છે. સીવી આનંદે જણાવ્યુ કે 4 આરોપી રાજકીય પરિવારો સાથે સંબંધિત છે. પોલીસે જણાવ્યુ કે જે કારમાં ગેંગરેપની ઘટના બની હતી તે કાર પણ જપ્ત કરી લેવામાં આવી છે.

તમને જણાવી દઈએ કે 28 મેના રોજ હૈદરાબાદના પૉશ જ્યુબિલી હિલ્સ વિસ્તારમાં એક પાર્ટીમાંથી ઘરે પરત ફરતી વખતે 17 વર્ષની છોકરી સાથે કથિત રીતે ગેંગરેપ કરવામાં આવ્યો હતો. પીડિતાનો આરોપ છે કે કારમાં તેની સાથે ગેંગરેપ કરવામાં આવ્યો હતો. આ બનાવ અંગે પીડિતાના પિતાએ પોલીસમાં ફરિયાદ કરી હતી. આ ઘટના બાદ સમગ્ર હૈદરાબાદમાં આક્રોશની લહેર છે. પીડિતાને ન્યાય અપાવવા માટે લોકો રસ્તા પર ઉતરી આવ્યા છે.

English summary

AIMIM MLA's son named among accused in Hyderabad gang-rape