સમુદ્રી વાવાઝોડા 'હૂડહૂડ' પર બધાની નજર, 51 ટીમો હાઇએલર્ટ

By Kumar Dushyant

Updated: Friday, October 10, 2014, 11:28 [IST]

નવી દિલ્હી, 10 ઓક્ટોબર: દેશના પૂર્વી તટ પર સમુદ્રી તૂફાન 'હૂડહૂડ'ના આવવાની આશંકા જોતાં એનડીઆરએફની 5 બટાલિયનોને હાઇએલર્ટ કરી દેવામાં આવી છે. આ બટાલિયનો તમિલનાડુ, આંધ્રપ્રદેશ, ઓરિસ્સા, પશ્વિમ બંગાળ અને બિહારમાં તૈનાત છે. આ એનડીઆરએફ બટાલિયનોમાં 51 ટીમો સામેલ છે. આંધ્ર પ્રદેશમાં છ રાહત અને બચાવ ટીમો તૈનાત કરવામાં આવી છે. તેમાંથી બે શ્રીકાકુલમ, એક વિજયનગરમ, બે વિશાખાપટ્ટનમ અને એક ટીમ ઇસ્ટ ગોદાવરી જિલ્લામાં તૈનાત કરવામાં આવી છે.

ઓરિસ્સામાં નવ ટીમો તૈનાત કરવા પર વિચાર કરવામાં આવી રહ્યો છે. એક ટીમ ગજપતિ, ત્રણ ગંજમ, બે ખુરદા અને એક-એક ટીમ કટક, પુરી અને બાલેશ્વરમાં તૈનાત કરવા પર વિચાર કરવામાં આવી રહ્યો છે. એનડીઆરએફ પટના, કલકત્તા અને ચેન્નઇથી ચાર-ચાર બટાલિયનો ઓરિસ્સા અને આંધ્રપ્રદેશ માટે રવાના થઇ રહી છે.

કુલ મળીને 27 ટીમો તે સ્થળો પર તૈના ત કરવામાં આવી રહી છે, જ્યાં તેમની જરૂરિયાત પડી શકે છે, સમુદ્રી તૂફાનના આ સ્થળો પર ટકરાવવાની આશંકા છે. વિશાખાપટ્ટનમ અને ભુવનેશ્વરમાં એક-એક ડીઆઇજી સ્તરના અધિકારી તૈનાત કરવામાં આવશે જે એનડીઆરએફ કાર્યોનું નિરિક્ષણ કરશે.

કુલ મળીને 162 હોડીઓ મોકલવામાં આવી રહી છે. 54 મરજીવા તથા પૂરમાં બચાવ કાર્ય કરનાર ઉપકરણો સહિત લોકોને પણ મોકલવામાં આવી રહ્યાં છે, જેથી સમુદ્રી તૂફાન કારણે પેદા થનાર કોઇપણ પડકારનો સામનો કરી શકાય.